പത്തനംതിട്ട : പെട്രോള് പമ്പില് ജോലി ചെയ്ത സ്ത്രീ തൊഴിലാളിക്ക് 32198 രൂപയും അഞ്ചുവര്ഷത്തെ 10% പലിശയും ചേര്ത്ത് നല്കാന് കോടതി ഉത്തരവിട്ടു. പത്തനംതിട്ട കുമ്പഴ കൈരളി ഫ്യുവല്സ് മാനേജ്മെന്റിന് എതിരെയാണ് കോടതി ഉത്തരവുണ്ടായത്. കൊറോണ കാലത്ത് കോവിഡ് ബാധയെ തുടര്ന്ന് കോന്നി പയ്യനാമണ് സ്വദേശിനിയായ ബി.സതിയമ്മ ജോലിക്ക് പോകുവാന് കഴിയാതെ കോറന്റയ്നില് ആയിരുന്നു. ഇതിനെ തുടര്ന്ന് കൈരളി ഫ്യുവല്സ് മാനേജ്മെന്റ് ബി.സതിയമ്മയെ പിരിച്ചുവിട്ടിരുന്നു.
ഗ്രാറ്റിവിറ്റി നല്കിയില്ലെന്ന് മാത്രമല്ല അവര്ക്കെതിരെ കള്ളക്കേസ് ചമയ്ക്കുകയും ചെയ്തു. ഐ.എന്.ടി.യു.സി യൂണിയന് അംഗമായ സതിയമ്മക്ക് വേണ്ടി ജ്യോതിഷ് കുമാര് മലയാലപ്പുഴ 2021 മുതല് നടത്തി വന്ന നിയമ യുദ്ധത്തിന് അവസാനമാണ് തുക നല്കാന് കോടതി വിധിച്ചത്. 18/08/2021 മുതലുള്ള അഞ്ച് വര്ഷത്തെ പത്ത് ശതമാനം പലിശയ്ക്ക് കൂടി സതിയമ്മ അര്ഹയാണെന്നും കോടതി വിധിച്ചു.
