ഡല്‍ഹി : കൊവിഡ് 19 വ്യാപിക്കുന്ന സാഹചര്യത്തില്‍ ഡല്‍ഹിയിലെ എല്ലാ വിദ്യാഭ്യാസ സ്ഥാപനങ്ങളും അടച്ചു. മാര്‍ച്ച്‌ 31 വരെ സ്കൂളുകളും കോളജുകളും എന്‍.ഐ.ടി പോലുള്ള സ്ഥാപനങ്ങളും ട്യൂഷന്‍ സന്‍റെറുകളും അടച്ചിടണമെന്നാണ് നിര്‍ദേശം.
ബോര്‍ഡ് പരീക്ഷകള്‍ ഉള്‍പ്പെടെ 31 വരെ നടക്കേണ്ട എല്ലാ പരീക്ഷകളും മാറ്റിവെച്ചിട്ടുണ്ട്. അധ്യാപകരും മറ്റ് ജീവനക്കാരും വിദ്യാഭ്യാസ സ്ഥാപനങ്ങളിലെത്തേണ്ടതില്ല. കഴിയുന്നവര്‍ വീട്ടിലിരുന്ന് ജോലി ചെയ്യണമെന്നും മുഖ്യമന്ത്രി അരവിന്ദ് കെജ്രിവാള്‍ അറിയിച്ചു.
സി.ബി.എസ്.ഇ ബോര്‍ഡ് പരീക്ഷയും മാറ്റിവെച്ചിട്ടുണ്ട്. മാര്‍ച്ച്‌ 31 വരെയുള്ള യു.ജി.സി പരീക്ഷകളും മാറ്റി.
