പത്തനംതിട്ട കളക്ടറേറ്റ് : ജില്ലയില് ഇന്ന് (11) അഞ്ച് കോവിഡ്-19 കേസുകള് സ്ഥിരീകരിച്ചു. 1) മേയ് 30ന് മഹാരാഷ്ട്രയില് നിന്നും എത്തിയ കോയിപ്രം സ്വദേശിനിയായ 27 വയസുകാരി. 2) ജൂണ് ആറിന് ഡല്ഹിയില് നിന്നും എത്തിയ പയ്യനാമണ് സ്വദേശിയായ 40 വയസുകാരന്. 3) ജൂണ് ആറിന് ഡല്ഹിയില് നിന്നും എത്തിയ പയ്യനാമണ് സ്വദേശിനിയായ 36 വയസുകാരി. 4) ജൂണ് ആറിന് ഡല്ഹിയില് നിന്നും എത്തിയ പയ്യനാമണ് സ്വദേശിനിയായ ഏഴു വയസുകാരി. 5) ജൂണ് ആറിന് ഡല്ഹിയില് നിന്നും എത്തിയ പയ്യനാമണ് സ്വദേശിനിയായ അഞ്ചു വയസുകാരി എന്നിവര്ക്കാണ് ഇന്ന് രോഗം സ്ഥിരീകരിച്ചത്.
ജില്ലയില് ഇതുവരെ ആകെ 121 പേര്ക്ക് രോഗം സ്ഥിരീകരിച്ചിട്ടുണ്ട്. കോവിഡ്-19 മൂലം ജില്ലയില് ഇതുവരെ ഒരാള് മരണമടഞ്ഞിട്ടുണ്ട്. ജില്ലയില് ഇന്ന് ആരും രോഗവിമുക്തരായിട്ടില്ല. ആകെ രോഗമുക്തരായവരുടെ എണ്ണം 37 ആണ്. നിലവില് ജില്ലയില് 83 പേര് രോഗികളായിട്ടുണ്ട്. ഇതില് 78 പേര് ജില്ലയിലും അഞ്ചു പേര് ജില്ലയ്ക്ക് പുറത്തും ചികിത്സയിലാണ്. ജനറല് ആശുപത്രി പത്തനംതിട്ടയില് 38 പേരും ജില്ലാ ആശുപത്രി കോഴഞ്ചേരിയില് ആറു പേരും ജനറല് ആശുപത്രി അടൂരില് മൂന്നു പേരും സിഎഫ്എല്ടിസി റാന്നി മേനാംതോട്ടം ആശുപത്രിയില് 41 പേരും ഐസൊലേഷനില് ഉണ്ട്. സ്വകാര്യ ആശുപത്രികളില് 32 പേര് ഐസൊലേഷനില് ഉണ്ട്. ജില്ലയില് ആകെ 120 പേര് വിവിധ ആശുപത്രികളില് ഐസോലേഷനില് ആണ്. ഇന്ന് പുതിയതായി 11 പേരെ ഐസൊലേഷനില് പ്രവേശിപ്പിച്ചു.
ജില്ലയില് 104 കോണ്ടാക്ടുകള് നിരീക്ഷണത്തില് ഉണ്ട്. മറ്റ് സംസ്ഥാനങ്ങളില് നിന്നും തിരിച്ചെത്തിയ 3239 പേരും വിദേശത്തുനിന്നും തിരിച്ചെത്തിയ 903 പേരും നിലവില് നിരീക്ഷണത്തിലാണ്. വിദേശത്തുനിന്നും ഇന്ന് തിരിച്ചെത്തിയ 101 പേരും, മറ്റ് സംസ്ഥാനങ്ങളില് നിന്നും ഇന്ന് എത്തിയ 201 പേരും ഇതില് ഉള്പ്പെടുന്നു.
ആകെ 4246 പേര് നിരീക്ഷണത്തിലാണ്. ജില്ലയില് വിദേശത്തുനിന്നും മറ്റ് സംസ്ഥാനങ്ങളില് നിന്നും തിരിച്ചെത്തുന്നവരെ താമസിപ്പിക്കുന്നതിന് 127 കോവിഡ് കെയര് സെന്ററുകള് സജ്ജീകരിച്ചിട്ടുണ്ട്. ഇവയില് നിലവില് 943 പേര് താമസിക്കുന്നുണ്ട്.
ജില്ലയില് നിന്ന് ഇന്ന് 240 സാമ്പിളുകള് പരിശോധനയ്ക്ക് അയച്ചിട്ടുണ്ട്. ഇതുവരെ ജില്ലയില് നിന്നും 10276 സാമ്പിളുകള് ആണ് പരിശോധനയ്ക്കായി അയച്ചിട്ടുളളത്. ജില്ലയില് ഇന്ന് 235 സാമ്പിളുകള് നെഗറ്റീവായി റിപ്പോര്ട്ട് ചെയ്തു. ഇന്നു വരെ അയച്ച സാമ്പിളുകളില് 117 എണ്ണം പൊസിറ്റീവായും 9429 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 496 സാമ്പിളുകളുടെ ഫലം ലഭിക്കാനുണ്ട്. സാമൂഹവ്യാപനം കണ്ടെത്തുന്നതിന്റെ ഭാഗമായി റാപ്പിഡ് ആന്റിബോഡി ടെസ്റ്റിനായി വിവിധ ആശുപത്രികളില് നിന്നും ഇന്ന് 189 സാമ്പിളുകള് പരിശോധനയ്ക്ക് എടുത്തു.
ജില്ലാ മെഡിക്കല് ഓഫീസറുടെ കണ്ട്രോള് റൂമില് 53 കോളുകളും, ജില്ലാ ദുരന്തനിവാരണ വിഭാഗത്തിന്റെ കണ്ട്രോള് റൂമില് 120 കോളുകളും ലഭിച്ചു. ഇന്റഗ്രേറ്റഡ് വോയിസ് റസ്പോണ്സ് സിസ്റ്റത്തില് ഇന്ന് രണ്ടു കോളുകള് ലഭിച്ചു. (ഫോണ് നമ്പര് 9205284484). ഇവ രണ്ടും കണ്ട്രോള് റൂമുമായി ബന്ധപ്പെട്ടതായിരുന്നു. ക്വാറന്റൈനിലുളള ആളുകള്ക്ക് നല്കുന്ന സൈക്കോളജിക്കല് സപ്പോര്ട്ടിന്റെ ഭാഗമായി ഇന്ന് 979 കോളുകള് നടത്തുകയും 84 പേര്ക്ക് കൗണ്സലിംഗ് നല്കുകയും ചെയ്തു. നാട്ടിലേക്ക് തിരിച്ചുപോകുന്ന 352 അന്യ സംസ്ഥാന തൊഴിലാളികളെ ഇന്ന് സ്ക്രീന് ചെയ്ത് മെഡിക്കല് സര്ട്ടിഫിക്കറ്റ് നല്കി. ഇതുവരെ 9686 പേര്ക്ക് മെഡിക്കല് സര്ട്ടിഫിക്കറ്റ് നല്കിയിട്ടുണ്ട്.
ഇന്ന് നടന്ന പരിശീലന പരിപാടിയില് നാലു ഡോക്ടര്മാര്ക്കും 10 നഴ്സുമാര്ക്കും, 54 മറ്റ് ജീവനക്കാര്ക്കും ഉള്പ്പെടെ ആകെ 68 പേര്ക്ക് കോവിഡ് അവയര്നസ് പരിശീലനം നല്കി. ജില്ലയില് കോവിഡ്-19 കേസുകള് കൂടുതലായി സ്ഥിരീകരിച്ച സാഹചര്യത്തില് ജനങ്ങള് ജാഗ്രത പാലിക്കണമെന്നും അനാവശ്യ യാത്രകള് ഒഴിവാക്കണമെന്നും സാമൂഹിക ശരിദൂരം പാലിക്കുകയും മാസ്ക് ധരിക്കുകയും ചെയ്യണമെന്നും ജില്ലാ കളക്ടര് അഭ്യര്ഥിച്ചു.
ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം 4.30 ന് ജില്ലാ കളക്ടറുടെ ചേമ്പറില് നടന്നു. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ് ജില്ലാ മെഡിക്കല് ഓഫീസറുടെ ചേമ്പറില് കൂടി.
