തിരുവനന്തപുരം : സംസ്ഥാനത്ത് ഇന്ന് 83 പേര്ക്കു കോവിഡ് സ്ഥിരീകരിച്ചു. തൃശൂര് 25, പാലക്കാട് 13, മലപ്പുറം 10 , കാസര്ഗോഡ് 10, കൊല്ലം 8, കണ്ണൂര് 7, പത്തനംതിട്ട 5 , കോട്ടയം 2, എറണാകുളം 2 കോഴിക്കോട് 1.
ഇന്ന് ഒരാള് മരിച്ചു. കണ്ണൂര് ഇരിട്ടി സ്വദേശി പി.കെ. മുഹമ്മദ് ആണ് മരിച്ചത്. അദ്ദേഹത്തിന് ഗുരുതരമായ കരള് രോഗം ബാധിച്ചിരുന്നു. ഇന്നലെയാണ് രോഗം ബാധിച്ചത്. ഇന്ന് രോഗം ബാധിച്ചവരില് 27 പേര് വിദേശത്ത് നിന്ന് എത്തിയതാണ്. മറ്റ് സംസ്ഥാനങ്ങളില്നിന്ന് 37 പേര്. സമ്പര്ക്കം മൂലം 14 പേര്ക്ക് രോഗം. അഞ്ച് ആരോഗ്യപ്രവര്ത്തകര്ക്കും രോഗം ബാധിച്ചു. തൃശൂരില് സമ്പര്ക്കം മൂലം രോഗം വന്നവരില് 4 പേര് കോര്പറേഷന് ശുചീകരണ തൊഴിലാളികളാണ്. 4 പേര് വെയര് ഹൗസില് ഹെഡ് ലോഡിങ് തൊഴിലാളികളാണ്. മറ്റു സംസ്ഥാനങ്ങളില്നിന്ന് രോഗബാധ സ്ഥിരീകരിച്ചവര് മഹാരാഷ്ട്ര 20, ഡല്ഹി- 7. തമിഴ്നാട് 4, കര്ണാടക 4, ബംഗാള് 1, മധ്യപ്രദേശ്1 ആണെന്നും മുഖ്യമന്ത്രി പറഞ്ഞു.62 പേര് രോഗമുക്തി നേടി.
ഇന്ന് 5044 സാംപിളുകള് പരിശോധിച്ചു. 2244 പേര്ക്ക് ഇതുവരെ സംസ്ഥാനത്ത് രോഗം വന്നു. 1258 പേര് ചികില്സയിലുണ്ട്. 218949 പേര് നിരീക്ഷണത്തില്. 19022 പേര് ആശുപത്രികളിലുണ്ട്. ഇന്ന് 231 പേരെ ആശുപത്രികളില് പ്രവേശിപ്പിച്ചു. ഇതുവരെ 103757 സാംപിളുകള് പരിശോധനയ്ക്ക് അയച്ചു. 2873 സാംപിളുകളുടെ പരിശോധന ഫലം വരാനുണ്ട്. സെന്റിനല് സര്വയലന്സ് വിഭാഗത്തില് 27118 സാംപിളുകള് ശേഖരിച്ചു. അതില് 25757 സാംപിളുകള് നെഗറ്റീവ് ആണ്.
