പത്തനംതിട്ട കളക്ടറേറ്റ് : ജില്ലയില് ഇന്ന് 11 പേര്ക്ക് കോവിഡ്-19 കേസുകള് സ്ഥിരീകരിച്ചു.
1) ജൂണ് മൂന്നിന് മഹാരാഷ്ട്രയില് നിന്നും എത്തിയ ചെന്നീര്ക്കര സ്വദേശിനിയായ 68 വയസുകാരി. 2) ജൂണ് നാലിന് ദുബായിയില് നിന്നും എത്തിയ കൂടല് സ്വദേശിയായ 28 വയസുകാരന്. 3) ജൂണ് നാലിന് അബുദാബിയില് നിന്നും എത്തിയ കുളനട സ്വദേശിയായ 34 വയസുകാരന്. 4) ജൂണ് രണ്ടിന് മഹാരാഷ്ട്രയില് നിന്നും എത്തിയ ചുരുളിക്കോട് സ്വദേശിനിയായ 26 വയസുകാരി. 5) ജൂണ് നാലിന് ദുബായില് നിന്നും എത്തിയ ഇലന്തൂര് സ്വദേശിയായ 23 വയസുകാരന്. 6) മേയ് 16ന് ചെന്നൈയില് നിന്നും എത്തിയ നാറാണംമൂഴി സ്വദേശിനിയായ 21 വയസുകാരി. 7) ജൂണ് മൂന്നിന് മഹാരാഷ്ട്രയില് നിന്നും എത്തിയ ഊന്നുകല് സ്വദേശിയായ 12 വയസുകാരന്. 8) മേയ് 31 ന് നൈജീരിയായില് നിന്നും എത്തിയ മാരൂര് സ്വദേശിയായ 55 വയസുകാരന്. 9) ജൂണ് രണ്ടിന് കുവൈറ്റില് നിന്നും എത്തിയ തോട്ടപ്പുഴശേരി സ്വദേശിനിയായ 33 വയസുകാരി. 10) ജൂണ് നാലിന് അബുദാബിയില് നിന്നും എത്തിയ കടമ്മനിട്ട സ്വദേശിയായ 25 വയസുകാരന്. 11) ജൂണ് നാലിന് അബുദാബിയില് നിന്നും എത്തിയ കോന്നി സ്വദേശിയായ 42 വയസുകാരന് എന്നിവര്ക്കാണ് ഇന്ന് രോഗം സ്ഥിരീകരിച്ചത്.
ജില്ലയില് ഇതുവരെ ആകെ 142 പേര്ക്ക് രോഗം സ്ഥിരീകരിച്ചിട്ടുണ്ട്. കൂടാതെ ആലപ്പുഴ ജില്ലയില് രോഗം സ്ഥിരീകരിച്ച ഒരു വ്യക്തി റാന്നി മേനാംതോട്ടം സിഎഫ്എല്ടിസിയില് ചികിത്സയില് ഉണ്ട്. കോവിഡ്-19 മൂലം ജില്ലയില് ഇതുവരെ ഒരാള് മരണമടഞ്ഞിട്ടുണ്ട്.
ജില്ലയില് ഇന്ന് മൂന്നു പേര് രോഗമുക്തരായി. ആകെ രോഗമുക്തരായവരുടെ എണ്ണം 42 ആണ്. നിലവില് ജില്ലയില് 99 പേര് രോഗികളായിട്ടുണ്ട്. ഇതില് 94 പേര് ജില്ലയിലും അഞ്ചു പേര് ജില്ലയ്ക്ക് പുറത്തും ചികിത്സയിലാണ്.
ജനറല് ആശുപത്രി പത്തനംതിട്ടയില് 47 പേരും ജില്ലാ ആശുപത്രി കോഴഞ്ചേരിയില് എട്ടു പേരും ജനറല് ആശുപത്രി അടൂരില് ഒരാളും സിഎഫ്എല്ടിസി റാന്നി മേനാംതോട്ടം ആശുപത്രിയില് 50 പേരും ഐസൊലേഷനില് ഉണ്ട്. സ്വകാര്യ ആശുപത്രികളില് 19 പേര് ഐസൊലേഷനില് ഉണ്ട്. ജില്ലയില് ആകെ 125 പേര് വിവിധ ആശുപത്രികളില് ഐസോലേഷനില് ആണ്. ഇന്ന് പുതിയതായി 24 പേരെ ഐസൊലേഷനില് പ്രവേശിപ്പിച്ചു.
ജില്ലയില് 119 കോണ്ടാക്ടുകള് നിരീക്ഷണത്തില് ഉണ്ട്. മറ്റ് സംസ്ഥാനങ്ങളില് നിന്നും തിരിച്ചെത്തിയ 3364 പേരും വിദേശത്തുനിന്നും തിരിച്ചെത്തിയ 1123 പേരും നിലവില് നിരീക്ഷണത്തിലാണ്. വിദേശത്തുനിന്നും ഇന്ന് തിരിച്ചെത്തിയ 149 പേരും, മറ്റ് സംസ്ഥാനങ്ങളില് നിന്നും ഇന്ന് എത്തിയ 200 പേരും ഇതില് ഉള്പ്പെടുന്നു. ആകെ 4606 പേര് നിരീക്ഷണത്തിലാണ്. ജില്ലയില് വിദേശത്തുനിന്നും മറ്റ് സംസ്ഥാനങ്ങളില് നിന്നും തിരിച്ചെത്തുന്നവരെ താമസിപ്പിക്കുന്നതിന് 130 കോവിഡ് കെയര് സെന്ററുകള് സജ്ജീകരിച്ചിട്ടുണ്ട്. ഇവയില് നിലവില് 993 പേര് താമസിക്കുന്നുണ്ട്.
ജില്ലയില് നിന്ന് ഇന്ന് 175 സാമ്പിളുകള് പരിശോധനയ്ക്ക് അയച്ചിട്ടുണ്ട്. ഇതുവരെ ജില്ലയില് നിന്നും 11099 സാമ്പിളുകള് ആണ് പരിശോധനയ്ക്കായി അയച്ചിട്ടുളളത്. ജില്ലയില് ഇന്ന് 176 സാമ്പിളുകള് നെഗറ്റീവായി റിപ്പോര്ട്ട് ചെയ്തു. ഇന്നു വരെ അയച്ച സാമ്പിളുകളില് 138 എണ്ണം പൊസിറ്റീവായും 10,010 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 688 സാമ്പിളുകളുടെ ഫലം ലഭിക്കാനുണ്ട്. ജില്ലാ മെഡിക്കല് ഓഫീസറുടെ കണ്ട്രോള് റൂമില് 47 കോളുകളും ജില്ലാ ദുരന്തനിവാരണ വിഭാഗത്തിന്റെ കണ്ട്രോള് റൂമില് 104 കോളുകളും ലഭിച്ചു. ക്വാറന്റൈനിലുളള ആളുകള്ക്ക് നല്കുന്ന സൈക്കോളജിക്കല് സപ്പോര്ട്ടിന്റെ ഭാഗമായി ഇന്ന് 845 കോളുകള് നടത്തുകയും 89 പേര്ക്ക് കൗണ്സലിംഗ് നല്കുകയും ചെയ്തു.
ഇന്ന് നടന്ന ആശുപത്രി ജീവനക്കാര്ക്കുളള പരിശീലന പരിപാടിയില് 13 നഴ്സുമാര്ക്കും എട്ട് ഇതര ജീവനക്കാര്ക്കും അടക്കം 21 പേര്ക്ക് കോവിഡ് അവയര്നസ് പരിശീലനം നല്കി. ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം 4.30 ന് ജില്ലാ കളക്ടറുടെ ചേമ്പറില് നടന്നു. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ് ജില്ലാ മെഡിക്കല് ഓഫീസറുടെ ചേമ്പറില് കൂടി.
