ന്യൂഡല്ഹി : രാജ്യത്ത് പ്രതിദിന കൊവിഡ് രോഗികളുടെ എണ്ണം ഒന്നര ലക്ഷം പിന്നിട്ടു. ഇരുപത്തിനാല് മണിക്കൂറിനിടെ 1,59,377 പേര്ക്കാണ് വൈറസ് ബാധ സ്ഥിരീകരിച്ചത്. കൊവിഡ് കേസുകളില് കഴിഞ്ഞ ദിവസത്തേക്കാള് പതിമൂന്ന് ശതമാനത്തിന്റെ വര്ദ്ധനവാണ് ഉണ്ടായിരിക്കുന്നത്. കഴിഞ്ഞ വ്യാഴാഴ്ചയാണ് പ്രതിദിന കൊവിഡ് കേസുകള് ഒരു ലക്ഷം കടന്നത്. വെറും രണ്ട് ദിവസം കൊണ്ടാണ് രോഗബാധിതരുടെ എണ്ണം ഒന്നര ലക്ഷത്തിലെത്തിയത്.
ഇന്നലെ നൂറിലധികം മരണങ്ങളും റിപ്പോര്ട്ട് ചെയ്തു. മഹാരാഷ്ട്രയില് സ്ഥിതി അതീവ ഗുരുതരമാണ്. ഇരുപത്തിനാല് മണിക്കൂറിനിടെ 41,434 പേര്ക്കാണ് വൈറസ് ബാധ സ്ഥിരീകരിച്ചത്. ഇതോടെ സംസ്ഥാനത്ത് നിയന്ത്രണങ്ങള് കടുപ്പിച്ചു. തത്ക്കാലം വാരാന്ത്യ ലോക്ക്ഡൗണ് ഏര്പ്പെടുത്തുന്നില്ലെന്ന് മുംബയ് മേയര് പറഞ്ഞു. ഡല്ഹിയില് ഇന്നലെ 20,181 പേര്ക്കാണ് രോഗം സ്ഥിരീകരിച്ചത്. രോഗം ബാധിച്ചവരില് 750 പേര് ഡോക്ടര്മാരാണ്. ഡല്ഹിയിലെ ആറ് പ്രധാന ആശുപത്രികളിലെ ഡോക്ടര്മാര്ക്കാണ് രോഗം ബാധിച്ചത്. നൂറിലധികം നഴ്സുമാര്ക്കും കൊവിഡ് സ്ഥിരീകരിച്ചു.
