കൊച്ചി : ലക്ഷദ്വീപില് കോവിഡ് ബാധിതരുടെ എണ്ണം ഉയരുന്നു. മൂന്നുദിവസത്തിനിടെ 14 പേര്ക്കാണ് രോഗം സ്ഥിരീകരിച്ചത്. ലക്ഷദ്വീപില് കഴിഞ്ഞ തിങ്കളാഴ്ചയാണ് കോവിഡ് ആദ്യമായി സ്ഥിരീകരിച്ചത്.തിങ്കളാഴ്ച രോഗം സ്ഥിരീകരിച്ച വ്യക്തിയുമായി പ്രാഥമിക സമ്ബര്ക്കത്തില് വന്ന 13 പേര്ക്കാണ് പുതുതായി രോഗം സ്ഥിരീകരിച്ചത്. ഇതോടെ ദ്വീപിലെ കോവിഡ് പോസിറ്റിവിറ്റി നിരക്ക് 42.4 ശതമാനമായി.
കൊച്ചിയില്നിന്ന് കവരത്തിലേക്ക് ജനുവരി മൂന്നിന് പുറപ്പെട്ട കപ്പലില് ലക്ഷദ്വീപിലെത്തിയ ഇന്ത്യ റിസര്വ് ബറ്റാലിയനിലെ പാചകക്കാരനാണ് തിങ്കളാഴ്ച കോവിഡ് സ്ഥിരീകരിച്ചത്. ഇദ്ദേഹം ലക്ഷദ്വീപ് സ്വദേശിയല്ല. ജനുവരി നാലിനാണ് ഇദ്ദേഹം ലക്ഷദ്വീപിലെത്തിയത്. ഇദ്ദേഹം കവരത്തിലെ കോവിഡ് ആശുപത്രിയില് ചികിത്സയിലാണ്.
