തിരുവനന്തപുരം : പൂജപ്പുര സെൻട്രൽ ജയിലിലും കോവിഡ് പടരുന്നു. 262 തടവുകാർക്ക് കോവിഡ് സ്ഥിരീകരിച്ചു. കഴിഞ്ഞ മൂന്നു ദിവസമായി തടവുകാർക്കിടയിൽ ആന്റിജൻ ടെസ്റ്റ് നടത്തിയിരുന്നു. രോഗികളെ പ്രത്യേക ബ്ലോക്കിലേക്ക് മാറ്റി. അതേസമയം കോവിഡ് വ്യാപനത്തെ തുടര്ന്ന് സംസ്ഥാനത്ത് ഇന്ന് അര്ധരാത്രി മുതല് കര്ശന നിയന്ത്രണം ഏർപ്പെടുത്തുകയാണ്. നാളെ ലോക്ക്ഡൗണിന് സമാനമായ നിയന്ത്രണങ്ങള് നടപ്പാക്കും. അവശ്യ സര്വീസുകള് മാത്രമേ അനുവദിക്കൂ.
റെക്കോര്ഡ് ടിപിആറിന് പിന്നാലെ കൂടുതല് ആശുപത്രി കിടക്കകള് കോവിഡ് ചികിത്സക്ക് മാത്രമായി മാറ്റിവെക്കാനും ആരോഗ്യ വകുപ്പ് തീരുമാനിച്ചു. സംസ്ഥാനത്ത് ടെസ്റ്റ് പോസിറ്റിവിറ്റി ഉയര്ന്ന നിരക്കില് തുടരുകയാണ്. ഇന്നലെ 95218 സാംപിളുകള് പരിശോധിച്ചപ്പോള് 41668 പേര് പോസിറ്റിവായി. 43.76 ശതമാനമാണ് ടെസ്റ്റ് പോസിറ്റിവിറ്റി. എറണാകുളത്താണ് ടിപിആര് എറ്റവും അധികം (50.86 ശതമാനം). ടെസ്റ്റ് പോസിറ്റിവിറ്റി ഉയര്ന്നതോടെ കൂടുതല് ആശുപത്രി കിടക്കകള് കോവിഡ് ചികിത്സയ്ക്ക് മാത്രമായി മാറ്റാനുള്ള നടപടികളിലേക്ക് ആരോഗ്യവകുപ്പ് കടന്നു.
