ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറിനിടെ 52,972 പേര്‍ക്ക് കോവിഡ് സ്ഥിരീകരിച്ചു. 771 പേര്‍ മരണത്തിന് കീഴടങ്ങി. ഇന്ത്യയില്‍ ഇതുവരെ കോവിഡ് ബാധിച്ചവരുടെ എണ്ണം 18,03,696ആയി. കേന്ദ്ര ആരോഗ്യ കുടുംക്ഷേമ മന്ത്രാലയം പുറത്തു വിട്ട കണക്കാണിത്.
5,79,357 പേരാണ് നിലവില്‍ ചികിത്സയിലുള്ളത്. 11,86,203 പേര്‍ രോഗമുക്തി നേടി. 38,135 പേര്‍ ഇതുവരെ കോവിഡ് ബാധിച്ച്‌ മരിച്ചു. രണ്ട് ദിവസംകൊണ്ടാണ് കോവിഡ് ബാധിതരുടെ എണ്ണം17 ലക്ഷത്തില്‍നിന്ന് 18 ലക്ഷം കടന്നത്. ഇതില്‍ 11.1 ലക്ഷം കോവിഡ് കേസുകളും ജൂെലെയില്‍ മാത്രം റിപ്പോര്‍ട്ട് ചെയ്തതാണ്. ജൂലൈ 15നും 31നും ഇടയില്‍ 7.32 ലക്ഷം പേര്‍ക്കാണ് കോവിഡ് സ്ഥിരീകരിച്ചത്.
കോവിഡ് രൂക്ഷമായി ബാധിച്ച മഹാരാഷ്ട്രയില്‍ ഇതുവരെ 4,41,228 പേര്‍ക്ക് രോഗം സ്ഥിരീകരിച്ചിട്ടുണ്ട്. 1,48,843 പേരാണ് നിലവില്‍ ചികിത്സയിലുള്ളത്. 15,576 പേര്‍ മരണത്തിന് കീഴടങ്ങി.
തമിഴ്നാട്ടില്‍ 4,132 പേര്‍ കോവിഡ് ബാധിച്ച്‌ മരിച്ചു. 56,998 പേര്‍ ചികിത്സയിലാണ്. ഡല്‍ഹിയില്‍ 10,356 പേരാണ് ചികിത്സയിലുള്ളത്. 1,23,317 പേര്‍ രോഗമുക്തി നേടി. 4004 പേര്‍ മരിച്ചു.
ഇന്ത്യയില്‍ ഞായറാഴ്ച വരെ ആകെ നടത്തിയ കോവിഡ് പരിശോധനകള്‍ രണ്ട് കോടി കവിഞ്ഞു. 2,02,02,858 സാമ്ബിളുകളാണ് ഇതുവരെ പരിശോധനക്ക് വിധേയമാക്കിയത്. ഇതില്‍ ഞായറാഴ്ച മാത്രം 3,81,027 സാമ്ബിളുകള്‍ പരിശോധിച്ചുവെന്ന് ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച്‌ (ഐ.സി.എം.ആര്‍) അറിയിച്ചു.
അസമില്‍ നിന്നുള്ള എം.എല്‍.എ രകിബുല്‍ ഹുസൈനും രോഗബാധ കണ്ടെത്തി. അസില്‍ കോവിഡ് പിടിപെടുന്ന ഏഴാമത്തെ എം.എല്‍.എയാണ് രകിബുല്‍ ഹുസൈന്‍.
കേന്ദ്ര ആഭ്യന്തര വകുപ്പ് മന്ത്രി അമിത് ഷാ, കര്‍ണാടക മുഖ്യമന്ത്രി ബി.എസ് യെദിയൂരപ്പ, അദ്ദേഹത്തിെന്‍റ മകള്‍, തമിഴ്നാട് ഗവര്‍ണര്‍ ബന്‍വാരിലാല്‍ പുരോഹിത് എന്നിവര്‍ക്കും കോവിഡ് സ്ഥിരീകരിച്ചിരുന്നു.
