കൊച്ചി : കോവിഡിന് ശേഷം വിവിധ ആരോഗ്യപ്രശ്‌നങ്ങള്‍ക്ക് ചികിത്സ തേടുന്നവരുടെ എണ്ണം കൂടുന്നു. ഇതോടെ കോവിഡ് നെഗറ്റീവായിട്ടും ആരോഗ്യ പ്രശ്‌നങ്ങള്‍ റിപ്പോര്‍ട്ട് ചെയ്യുന്നതിനാല്‍ ഇതിനെക്കുറിച്ച് ലോക ആരോഗ്യ സംഘടനയും പഠനം തുടങ്ങിയിട്ടുണ്ട്.
ഇത്തരത്തില്‍ പ്രകടമാക്കപ്പെട്ടിട്ടുള്ള പല ലക്ഷണങ്ങളും പേടിയുടെയും ആശങ്കയുടെയും പുറത്തുള്ളതാണെന്ന് ഡോക്ടര്‍മാര്‍ പറയുന്നു. പല രാജ്യങ്ങളിലും പോസ്റ്റ് കോവിഡ് ക്ലിനിക്കുകള്‍ തുടങ്ങിക്കഴിഞ്ഞു.
ഇന്ത്യയില്‍ തമിഴ്‌നാട്ടില്‍ സര്‍ക്കാര്‍ ക്ലിനിക്ക് ആരംഭിച്ചു. മഹാരാഷ്ട്രയിലും ഇത്തരം കേസുകള്‍ കൂടിയ സാഹചര്യത്തില്‍ സ്വകാര്യ ആശുപത്രികളില്‍ത്തന്നെ തുടര്‍പരിശോധന വിഭാഗം തുടങ്ങാനുളള നീക്കത്തിലാണ്.
