ജിദ്ദ: മലപ്പുറം സ്വദേശിയായ യുവാവ് കോവിഡ് ബാധിച്ച് ജിദ്ദയില് മരിച്ചു. കിഴിശ്ശേരി കുഴിമണ്ണ മലയില് താമസിക്കുന്ന തച്ചപ്പറമ്പന് മുഹമ്മദ് അഷ്റഫ് (27) ആണ് മരിച്ചത്. മൂന്ന് ദിവസം മുമ്പാണ് കോവിഡ് ബാധിച്ച് ജിദ്ദ അമീര് ഫവാസിലെ അല് സാഗര് ആശുപത്രിയില് ചികിത്സ ആരംഭിച്ചത്. ശ്വാസതടസ്സം നേരിട്ടാണ് മരണം. സമൂസ ഷോപ്പില് ജീവനക്കാരനായിരുന്നു. മൂന്നര വര്ഷമായി പ്രവാസിയായ ഇദ്ദേഹം ഇതുവരെ നാട്ടില് പോയിട്ടില്ല. അവിവാഹിതനാണ്. പിതാവ്: ഉമ്മര്, മാതാവ്: ഖദീജ.
