ശബരിമല : ചിങ്ങമാസ പൂജ പൂർത്തിയാക്കി ശബരിമല ക്ഷേത്രനട അടച്ചു. ഇന്നലെ തന്ത്രി കണ്ഠര് രാജീവരുടെ കാർമികത്വത്തിൽ 25 കലശാഭിഷേകത്തോടെ ഉച്ചപൂജ നടന്നു. മാളികപ്പുറത്ത് മേൽശാന്തി പരമേശ്വരൻ നമ്പൂതിരിയുടെ കാർമികത്വത്തിൽ ഭഗവതിസേവയും നടന്നു. ഇന്ന് അത്താഴ പൂജയ്ക്കു ശേഷം വൈകിട്ട് 7.30 നാണ് നട അടച്ചത് . ഇനി ഓണം പൂജകൾക്കായി ഈ മാസം 29ന് വൈകിട്ട് 5ന് നട തുറക്കും. 30ന് മേൽശാന്തിയുടെ വകയായി ഉത്രാട സദ്യയും 31ന് ദേവസ്വം ജീവനക്കാരുടെ വകയായി തിരുവോണ സദ്യയും നടക്കും സെപ്റ്റംബർ 2 വരെ പൂജ ഉണ്ടാകും
