പാലാ: പാലായിലെ പ്രമുഖ വ്യവസായി ജെയിംസ് ലൂക്കോസ് കപ്പലുമാക്കല് (ചെറുപുഷ്പം ബേബിച്ചന്-68) നിര്യാതനായി. കരള് സംബന്ധമായ അസുഖത്തെ തുടര്ന്ന് എറണാകുളത്തെ സ്വകാര്യ ആശുപത്രിയില് എതാനും നാളുകള്ക്ക് മുന്പ് ശസ്ത്രക്രിയയ്ക്ക് വിധേയനായിരുന്നു. അതിന്റെ തുടര് ചികിത്സക്കായി എറണാകുളത്ത് താമസിക്കുന്നതിനിടെ കൊവിഡ് ബാധിക്കുകയായിരുന്നു.
കഴിഞ്ഞ ഒരാഴ്ചയായി ആരോഗ്യനില വഷളായിരുന്നു, ഇന്ന് പുലര്ച്ചെയായിരുന്നു അന്ത്യം. പൊതു ദര്ശനം കൊവിഡ് പ്രോട്ടോകോള് പ്രകാരം നടക്കും. മ്യതദേഹം എറണാകുളത്ത് നിന്ന് സെമിത്തേരിയില് എത്തിച്ച് ശുശ്രൂഷകള്ക്ക് ശേഷം ഇന്ന് നാല് മണിക്ക് പാലാ സെന്റ് ജോര്ജ്ജ് പുത്തന്പള്ളി സെമിത്തേരിയില് സംസ്കരിക്കും.