റിയാദ് : കൊറോണ ബാധിച്ച് ഒരു മലയാളി കൂടി റിയാദില് മരിച്ചു. സാമൂഹ്യ പ്രവര്ത്തകനായ കോട്ടയം ഏറ്റുമാനൂര് സ്വദേശി പ്രസാദ് അത്തംപള്ളി (59) ആണ് മരിച്ചത്. കോവിഡ് ബാധിച്ചതിനെ തുടര്ന്ന് ഒരു മാസമായി റിയാദ് കിങ് സല്മാന് ആശുപത്രിയിലും പിന്നീട് ശുമൈസി കിങ് സഈദ് മെഡിക്കല് സിറ്റിയിലും ചികിത്സയില് കഴിയുകയായിരുന്നു. അസുഖം മൂര്ച്ഛിച്ചതിനെ തുടര്ന്ന് രണ്ടാഴ്ച മുമ്പ് കിങ് ഖാലിദ് ആശുപത്രിയിലെ അത്യാഹിത വിഭാഗത്തിലേക്ക് മാറ്റിയിരുന്നു. ഇവിടെ വെന്റിലേറ്ററില് പ്രവേശിപ്പിച്ച പ്രസാദിന്റെ ആരോഗ്യസ്ഥിതി പൂര്ണമായും മോശമാകുകയും മരണത്തിനു കീഴടങ്ങുകയുമായിരുന്നു.
ഭ്യാര്യ സുമ പ്രസാദ് സൗദിയിൽ നേഴ്സ് ആയി ജോലി ചെയ്യുന്നു. ആസ്ട്രേലിയയിൽ എംടെക് വിദ്യാർഥിയായ അഭിജിത്, കേരളത്തിൽ +2 വിദ്യാർഥിയായ അവിനാഷ്, സൗദിയിൽ ആറാം ക്ലാസ് വിദ്യാർഥിയായ അജയ് ദേവപ്രസാദ് എന്നിവർ മക്കളാണ്.
