ന്യൂഡൽഹി : ഇന്ത്യയിൽ പുതിയ കോവിഡ് രോഗികളുടെ എണ്ണത്തിൽ കുറവുണ്ടാകുമ്പോഴും മാറ്റമില്ലാതെ മരണനിരക്ക്. രാജ്യത്തെ കോവിഡ് മരണങ്ങള് മൂന്നു ലക്ഷം പിന്നിട്ടു. 3,03,720 പേരാണ് ഇതുവരെ മരിച്ചത്. കഴിഞ്ഞ ദിവസം മാത്രം 4,454 പേർ കോവിഡ് മൂലം മരിച്ചു. 12 ദിവസത്തിനുള്ളിലാണ് 50,000 മരണങ്ങളും സംഭവിച്ചത്.
എന്നാൽ പുതുതായി രജിസ്റ്റർ ചെയ്യുന്ന രോഗികളുടെ എണ്ണത്തിൽ തുടര്ച്ചയായി കുറവ് അനുഭവപ്പെടുന്നുണ്ട്. കഴിഞ്ഞ 24 മണിക്കൂറിനിടെ രാജ്യത്ത് 2,22,315 പുതിയ കോവിഡ് കേസുകളാണ് സ്ഥിരീകരിച്ചത്. 3,02,544 പേർ ആശുപത്രി വിട്ടു. നിലവിൽ 27.2 ലക്ഷം പേരാണു രാജ്യത്തിന്റെ വിവിധ ഭാഗങ്ങളിലായി ചികിത്സയിലുള്ളത്. 2.67 കോടി പേർക്ക് ഇതുവരെ കോവിഡ് ബാധിച്ചു. രാജ്യത്തെ വാക്സിനേഷൻ ഡ്രൈവ് തുടരുകയാണ്. 19,60,51,962 പേർക്കു വാക്സീൻ നൽകിയെന്നു കേന്ദ്ര ആരോഗ്യ മന്ത്രാലയം അറിയിച്ചു.