തിരുവനന്തപുരം: കൊവിഡ് ഡ്യൂട്ടി മാര്ഗനിര്ദേശങ്ങളില് പ്രതിഷേധിച്ച് ആരോഗ്യവകുപ്പ് സെക്രട്ടറിക്ക് കെജിഎംഒഎയുടെ കത്ത്. പത്ത് ദിവസത്തെ ഡ്യൂട്ടി കഴിഞ്ഞാല് ഏഴ് ദിവസത്തെ ഓഫ് തുടരണം. ആരോഗ്യ വകുപ്പ് സെക്രട്ടറിക്കാണ് സംഘടന കത്ത് അയച്ചത്.
സാലറി കട്ടിന്റെ ഭാഗമായി ആരോഗ്യ പ്രവര്ത്തകരില് നിന്ന് പിടിച്ച ശമ്പളം ഉടന് നല്കണം, റിസ്ക് അലവന്സ് എന്എച്ച്എം ജീവനക്കാരുടെത് പോലെയാക്കണമെന്നും കത്തില് ആവശ്യമുണ്ട്. കേന്ദ്ര മാര്ഗനിര്ദേശ പ്രകാരമാണ് കൊവിഡ് നിരീക്ഷണ അവധി റദ്ദാക്കിയതെന്നായിരുന്നു സര്ക്കാര് വിശദീകരണം. കൊവിഡ് ഡ്യൂട്ടിയെടുക്കുന്ന ആരോഗ്യ പ്രവര്ത്തകര്ക്ക് നിരീക്ഷണം ആവശ്യമില്ലെന്ന് പുതിയ മാര്ഗരേഖ സംസ്ഥാന സര്ക്കാര് പുറത്തിറക്കിയത് കഴിഞ്ഞ ദിവസമാണ്. നേരത്തെ ലഭിച്ചിരുന്ന അവധി ഇനി മുതല് ആരോഗ്യ പ്രവര്ത്തകര്ക്ക് ലഭിക്കില്ലെന്നും മാര്ഗരേഖയില് പറയുന്നു.
അതേസമയം രോഗിയെ പുഴുവരിച്ച സംഭവത്തില് അച്ചടക്കനടപടി പിന്വലിക്കണമെന്നാവശ്യപ്പെട്ടുള്ള സമരം ശക്തമാക്കുകയാണ് സര്ക്കാര് ഡോക്ടര്മാര്. നാളെ സംസ്ഥാനത്തെ മുഴുവന് മെഡിക്കല് കോളേജാശുപത്രികളിലും രണ്ട് മണിക്കൂര് ഒപി ബഹിഷ്ക്കരിക്കും.
