ചാലക്കുടി : കോവിഡ് ബാധിച്ച മനോവിഷമത്തില് യുവാവ് തൂങ്ങി മരിച്ചു. കോടശ്ശേരി മേട്ടിപ്പാടം പുന്നയ്ക്കപ്പറമ്പില് വിജയന്റെ മകന് ശ്രീജിത്താണ് (34) മരിച്ചത്. ശ്രീജിത്തിന് 24ന് കോവിഡ് സ്ഥിരീകരിച്ചിരുന്നു. ഇതോടെ മനോവിഷമത്തിലായ ശ്രീജിത്തിനെ ചാലക്കുടി താലൂക്ക് ആശുപത്രിയില് കഴിഞ്ഞ ദിവസം സുഹൃത്തുക്കള് ചേര്ന്ന് കൊണ്ടു പോയിരുന്നു.
ആശുപത്രിയില്നിന്ന് തിരിച്ചു വന്ന ശ്രീജിത്ത് ഭക്ഷണം കഴിച്ച ഉടന് മുറിയില് കയറി വാതില് അടക്കുകയായിരുന്നു. വിളിച്ചിട്ടും വാതില് തുറന്നില്ല. സംശയം തോന്നിയ മറ്റുള്ളവര് വാതില് തല്ലിപ്പൊളിച്ച് നോക്കുമ്പോള് ശ്രീജിത്തിനെ മരിച്ച നിലയില് കാണുകയായിരുന്നു. അവിവാഹിതനാണ്. അമ്മ നേരത്തേ മരിച്ചു പോയിരുന്നു. ശ്രീജിത്തും അച്ഛനും മാത്രമേ വീട്ടില് ഉണ്ടായിരുന്നുള്ളൂ. സഹോദരന് രഞ്ജിത്ത് ഗള്ഫില് ആണ്.