ന്യൂഡൽഹി : ഇന്ത്യയിൽ 24 മണിക്കൂറിനിടെ റിപ്പോർട്ട് ചെയ്തത് 8,774 കോവിഡ് കേസുകൾ. ഇതിൽ 4,741 കേസുകൾ കേരളത്തിൽ നിന്നുള്ളതാണ്. ഇതോടെ രാജ്യത്തെ ആകെ രോഗബാധിതരുടെ എണ്ണം 3,45,72,523 ആയി. ഇപ്പോൾ ചികിത്സയിലുള്ളത് 1,05,691 പേരാണ്. ഇത് 543 ദിവസത്തിനിടയിലെ ഏറ്റവും കുറഞ്ഞ കണക്കാണെന്നു കേന്ദ്ര ആരോഗ്യ മന്ത്രാലയം അറിയിച്ചു.
ദിവസം കോവിഡ് ബാധിച്ച് മരിച്ചത് 621 പേരാണ്. ഇതോടെ രാജ്യത്ത് ആകെ മരിച്ചവർ 4,68,554. ആകെ രോഗബാധിതരുടെ 0.31 ശതമാനം മാത്രമാണു ചികിത്സയിലുള്ളത്. കഴിഞ്ഞ ദിവസം 9,481 പേർ കോവിഡ് മുക്തരായി. രോഗമുക്തി നിരക്ക് 98.34 ശതമാനമാണ്. ഇതുവരെ 121.94 കോടി വാക്സീൻ ഡോസ് വിതരണം ചെയ്തു.