തിരുവനന്തപുരം: സംസ്ഥാനത്ത് കോവിഡ് രോഗലക്ഷണമുള്ളവര്ക്ക് ആന്റിജന്, ആര്ടി- പിസിആര് പരിശോധന നിര്ബന്ധമാക്കി. ആന്റിജന് ടെസ്റ്റില് പരിശോധനാ ഫലം നെഗറ്റീവാണെങ്കില് കൂടി ആര്ടി- പിസിആര് പരിശോധന നിര്ബന്ധമായി നടത്തണം.
ആര്.ടി.പി.സി.ആര് പരിശോധനയ്ക്ക് പലരും തയാറാകാത്ത സാഹചര്യത്തില്ആദ്യം തന്നെ രണ്ട് സാമ്പിള് ശേഖരിക്കണം.ആന്റിജന് പരിശോധനയില് നെഗറ്റീവ് ആണെങ്കില് ഉടന് തന്നെ രണ്ടാം സാമ്പിള് ആര്.ടി.പി.സി.ആര് പരിശോധനക്ക് അയക്കണമെന്നും ആരോഗ്യ സെക്രട്ടറി പുറത്തിറക്കിയ ഉത്തരവില് വ്യക്തമാക്കുന്നു.
രണ്ടു പരിശോധനകള്ക്കുമുള്ള സാമ്പിളുകള് ഒരേ സമയം ശേഖരിക്കണം. കോവിഡ് വ്യാപനം രൂക്ഷമായി തുടരുന്ന പശ്ചാത്തലത്തിലാണ് ആരോഗ്യവകുപ്പിന്റെ പുതിയ മാര്ഗനിര്ദേശം. കഴിഞ്ഞദിവസം ജലദോഷം, പനി എന്നിവ ഉള്ളവരെ ചികിത്സ തേടുന്ന ദിവസം തന്നെ ആന്റിജന് പരിശോധനയ്ക്ക് വിധേയമാക്കണമെന്ന് ആരോഗ്യവകുപ്പ് നിര്ദേശിച്ചിരുന്നു.
