തിരുവനന്തപുരം : കോവിഡ് പ്രതിരോധ പ്രവര്ത്തനങ്ങളുമായി ബന്ധപ്പെട്ട് തദ്ദേശ സ്വയംഭരണ വകുപ്പ് മന്ത്രിയുടെയും ആരോഗ്യവകുപ്പ് മന്ത്രിയുടെയും നേതൃത്വത്തില് ഇരുപത്തിരണ്ടിനു നടത്താനിരുന്ന തദ്ദേശഭരണ അധ്യക്ഷന്മാരുടെയും ഉദ്യോഗസ്ഥരുടെയും യോഗം ഇരുപത്തിമൂന്നാം തീയതിയിലേക്ക് മാറ്റി. ഉച്ചകഴിഞ്ഞ് 2.30-ന് സെക്രട്ടേറിയറ്റിലെ അനക്സ് ഒന്നിലെ ബോധി ഹാളില് ക്രമീകരിച്ചിരിക്കുന്ന വീഡിയോ കോണ്ഫറന്സിംഗ് സങ്കേതത്തിലൂടെയായിരിക്കും മന്ത്രിമാരും വകുപ്പ് സെക്രട്ടറിമാരും മേധാവികളും യോഗത്തില് പങ്കെടുക്കുക.
വാര്ഡ് സമിതികള്/ റാപ്പിഡ് റെസ്പോണ്സ് ടീമുകള്, കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകള് എന്നിവയുടെ പ്രവര്ത്തനങ്ങള് കൂടുതല് ശക്തിപ്പെടുത്തുന്നതു സംബന്ധിച്ച് വിശദമായ ചര്ച്ച യോഗത്തില് നടത്തും. തദ്ദേശഭരണ സമിതി അധ്യക്ഷ/ അധ്യക്ഷന്മാര്, ആരോഗ്യ സ്റ്റാന്റിംഗ് കമ്മിറ്റി ചെയര്പേഴ്സന്മാര്, ജില്ലാ ആശുപത്രി സൂപ്രണ്ടുമാര്, തദ്ദേശഭരണ സ്ഥാപനങ്ങളിലെ സെക്രട്ടറിമാര്, പ്രാഥമിക/സാമൂഹികാരോഗ്യ കേന്ദ്രങ്ങളിലെ മെഡിക്കല് ഓഫീസര്മാര്, ആയുഷ് ഡിപ്പാര്ട്ട്മെന്റുമായി ബന്ധപ്പെട്ട മെഡിക്കല് ഓഫീസര്മാര്, സി.ഡി.എസ്. ചെയര്പേഴ്സന്മാര്, ഹെല്ത്ത് സൂപ്പര്വൈസര്മാര്, ഐ.സി.ഡി.എസ്. സൂപ്പര്വൈസര്മാര് എന്നിവര് അതാത് തദ്ദേശഭരണ സ്ഥാപനങ്ങളില്നിന്ന് വീഡിയോ കോണ്ഫറന്സിംഗിലൂടെ യോഗത്തില് പങ്കെടുക്കും.
ഇതിനു സാധ്യമല്ലാത്ത പ്രദേശങ്ങളിലുള്ളവര് കമ്പ്യൂട്ടര് ഉപയോഗിച്ചോ മൊബൈല് ഫോണ് വഴിയോ യോഗത്തില് പങ്കെടുക്കണമെന്ന് നിര്ദ്ദേശിച്ചിട്ടുണ്ട്. കിലയുടെ ഫേസ്ബുക്ക് പേജിലും യൂട്യൂബിലും യോഗം ലൈവ് ആയി കാണുന്നതിനു ക്രമീകരണം ചെയ്തിട്ടുണ്ടെന്നും തദ്ദേശസ്വയംഭരണ വകുപ്പ് മന്ത്രിയുടെ ഓഫീസില്നിന്നും അറിയിച്ചിട്ടുണ്ട്.