തിരുവനന്തപുരം : സംസ്ഥാനത്ത് കൊവിഡ് പ്രോട്ടോക്കോള് ലംഘിക്കുന്നവര്ക്കെതിരായ പിഴത്തുക വര്ധിപ്പിക്കുന്ന കാര്യം മന്ത്രി സഭായോഗം ഇന്ന് പരിഗണിച്ചേക്കും. മാസ്ക് ധരിക്കാത്തതടക്കമുള്ള നിയമലംഘനങ്ങളുടെ പിഴയാണ് കൂട്ടുന്നത്. കൊവിഡിനിടെ ശബരിമല ദര്ശനത്തിന് ഏര്പ്പെടുത്തേണ്ട നിയന്ത്രണങ്ങള് സംബന്ധിച്ചും തീരുമാനമുണ്ടാകും.
ഇതോടൊപ്പം പുതിയതായി ആരംഭിച്ച ശ്രീനാരായണ ഗുരു ഓപ്പണ് സര്വകലാശാല വൈസ് ചാന്സലറേയും ഇന്ന് തീരുമാനിക്കും. ഫാറൂഖ് കോളേജ് മുന് പ്രിന്സിപ്പാള് ഡോക്ടര് മുബാറക്ക് പാഷയെ വിസിയായി സര്ക്കാര് പരിഗണിക്കുന്നുവെന്നാണ് സൂചന. പിവിസിയായി കേരളാ യൂണിവേഴ്സിറ്റിയിലെ ഡോ. സുധീറും രജിസ്ട്രാര് ആയി കൊല്ലം ടികെഎം എഞ്ചിനീയറിംഗ് കോളേജിലെ ഡോക്ടര് ദിലീപും ആണ് പരിഗണനയിലുള്ളത്. ഇക്കാര്യത്തിലും ഇന്ന് തീരുമാനം ഉണ്ടാകും.
