24.6 C
Pathanāmthitta
Sunday, November 29, 2020 9:21 pm
Advertisment

അടിമാലിയില്‍ ഹോംസ്‌റ്റേ കേന്ദ്രീകരിച്ച് പെണ്‍വാണിഭം : മൂന്നുപേർ അറസ്റ്റിൽ

ഇടുക്കി : ഇടുക്കി അടിമാലിയില്‍ ഹോംസ്‌റ്റേ കേന്ദ്രീകരിച്ച് പെണ്‍വാണിഭം നടത്തിയ 3 പേരെ പോലീസ് അറസ്റ്റ് ചെയ്തു. ഹോംസ്‌റ്റേ നടത്തിപ്പുകാരനും രണ്ടിടപാടുകാരുമാണ് അടിമാലി പോലീസിന്റെ പിടിയിലായത്. ഹോംസ്‌റ്റേ നടത്തിപ്പുകാരന്റെ സഹായി ഓടി രക്ഷപ്പെട്ടു. അടിമാലി കൂമ്പന്‍പാറക്കു സമീപം പ്രവര്‍ത്തിക്കുന്ന ഹോംസ്‌റ്റേയില്‍ പെണ്‍വാണിഭം നടക്കുന്നുണ്ടെന്ന വിവരത്തിന്റെ അടിസ്ഥാനത്തിലാണ്  അടിമാലി പോലീസ് പരിശോധന നടത്തിയത്. വാടകക്കെടുത്ത കെട്ടിടത്തിലായിരുന്നു ഹോംസ്‌റ്റേ പ്രവര്‍ത്തിച്ചു വന്നിരുന്നത്. ഹോംസ്‌റ്റേ നടത്തിപ്പുകാരനായ കുഞ്ഞന്‍ എന്ന് വിളിക്കുന്ന മുതുവാന്‍കുടി സ്വദേശി സിജോ, ഇടപാടുകാരായ മൂവാറ്റുപുഴ ആരക്കുഴി സ്വദേശി അഖില്‍, തട്ടേക്കണ്ണി സ്വദേശി ജോമി എന്നിവരാണ് പോലീസിന്റെ പിടിയിലായത്.

Advertisement

സ്ത്രീകളെ എത്തിച്ച് ആവശ്യക്കാരായ ഇടപാടുകാര്‍ക്ക് നല്‍കിയാണ് കേന്ദ്രത്തിന്റെ പ്രവര്‍ത്തനം നടന്നു വന്നിരുന്നതെന്ന് പോലീസ് പറയുന്നു. പരിശോധനാ സമയത്ത് കേന്ദ്രത്തില്‍ 4 സ്ത്രീകള്‍ ഉണ്ടായിരുന്നതായും തുടര്‍നടപടികള്‍ സ്വീകരിച്ച് ഇവരെ വിട്ടയച്ചതായും പോലീസ് അറിയിച്ചു. ഇവിടെനിന്ന് ഓട്ടോറിക്ഷയുള്‍പ്പെടെയുള്ള വാഹനങ്ങളും മൊബൈല്‍ ഫോണുകളും പോലീസ് കസ്റ്റഡിയില്‍ എടുത്തു . ഇടപാടുകാരും നടത്തിപ്പുകാരനും തമ്മില്‍ പണമിടപാട് നടത്തിയിരുന്നത് ഓണ്‍ലൈന്‍ രീതിയിലായിരുന്നു. അടിമാലി സിഐ അനില്‍ ജോര്‍ജ്ജിന്റെ നേതൃത്വത്തിലുള്ള പോലീസ് സംഘമാണ് പരിശോധന നടത്തി പ്രതികളെ കസ്റ്റഡിയില്‍ എടുത്തത്.

Most Popular

കോന്നിയിലെ ഇടതുമുന്നണി സ്ഥാനാര്‍ഥി തിരക്കിലാണ് ; മൂന്ന് തെങ്ങില്‍ക്കൂടി കയറുവാനുണ്ട്….

കോന്നി : കോന്നിയിലെ ഇടതുമുന്നണിയുടെ സ്ഥാനാര്‍ഥി തിരക്കിലാണ്. കാരണം മൂന്ന് തെങ്ങില്‍ക്കൂടി കയറുവാനുണ്ട് പതിനെട്ടാം വാർഡിലെ സാരഥി മേപ്പുറത്ത് വീട്ടിൽ ബാലചന്ദ്രന്. ബാലചന്ദ്രൻ ഇരുപത്തഞ്ച് വർഷത്തോളമായി തന്റെ  തൊഴിൽ സ്വീകരിച്ചിട്ട്. തിരക്കിട്ട തെരഞ്ഞെടുപ്പ് പ്രവർത്തനങ്ങൾക്കിടയിലും...

തെരഞ്ഞെടുപ്പ് ഡ്യൂട്ടിയിലുള്ളവരുടെ കൊവിഡ് പരിശോധനയ്ക്കായി ആരോഗ്യവകുപ്പ് മാര്‍ഗനിര്‍ദേശം പുറത്തിറക്കി

തിരുവനന്തപുരം: തെരഞ്ഞെടുപ്പ് ഡ്യൂട്ടിയിലുള്ളവരുടെ കൊവിഡ് പരിശോധനയ്ക്കായി ആരോഗ്യവകുപ്പ് മാര്‍ഗനിര്‍ദേശം പുറത്തിറക്കി. ഡ്യൂട്ടിയിലുള്ളവര്‍ക്ക് കൊവിഡ് ലക്ഷണങ്ങളുണ്ടോയെന്ന് എല്ലാ ദിവസവും പരിശോധിക്കണം. കലക്ടറേറ്റുകളിലും ജില്ലാ ഓഫീസുകളിലും പരിശോധിക്കാന്‍ സൗകര്യമൊരുക്കണമെന്നും നിര്‍ദ്ദേശമുണ്ട്. ലക്ഷണങ്ങളുള്ളവരെ ആന്റിജന്‍ പരിശോധനക്ക് വിധേയമാക്കണം. ലക്ഷണങ്ങളുള്ളവര്‍...

കവുങ്ങിൽ നിന്ന് വീണ് മധ്യവയസ്കൻ മരിച്ചു

കോന്നി : തേക്കുതോട്ടിൽ കവുങ്ങിൽ നിന്ന് വീണ് മധ്യവയസ്കൻ മരിച്ചു. മൂർത്തിമൺ സ്വദേശി പ്ലാവിളയിൽ വീട്ടിൽ സജി ജോർജ്ജ് (50)ആണ് മരിച്ചത് . രാവിലെ പതിനൊന്ന് മണിയോടെ ആയിരുന്നു സംഭവം. തേക്കുതോട് പറക്കുളത്തെ...

ധനമന്ത്രിയുടെ വെപ്രാളം , സര്‍ക്കാര്‍ അറിഞ്ഞുള്ള അഴിമതിയാണെന്നതിന് തെളിവ് ; കെ. സുരേന്ദ്രന്‍

തിരുവനന്തപുരം : കെഎസ്എഫ്ഇയിലെ വിജിലന്‍സ് റെയ്ഡുമായി ബന്ധപ്പെട്ട് ധനമന്ത്രി വെപ്രാളം കാണിക്കുന്നത് സര്‍ക്കാര്‍ അറിഞ്ഞുള്ള അഴിമതിയാണെന്നതിന് തെളിവാണെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍. ധനമന്ത്രിയുടെ പരസ്യ വിമര്‍ശനം മുഖ്യമന്ത്രിക്ക് എതിരെയാണെന്നും കെഎസ്എഫ്ഇക്ക്...
Advertisment