ന്യൂഡല്ഹി : രാജ്യത്തെ പ്രതിദിന കോവിഡ് ബാധിതരുടെ എണ്ണം കുറയുന്നു. കഴിഞ്ഞ 24 മണിക്കൂറിനിടെ 1,61,386 പേര്ക്കാണ് രോഗം സ്ഥിരീകരിച്ചത്. കഴിഞ്ഞ ദിവസത്തേക്കാള് 3.4% രോഗികള് കുറഞ്ഞു. എന്നാല് മരണസംഖ്യ ഉയര്ന്ന് തന്നെ തുടരുന്നത് ആശങ്കയാണ്. 1,733 പേരാണ് കഴിഞ്ഞ ദിവസം മാത്രം മരിച്ചത്. രാജ്യത്ത് 65.1% രോഗികളും അഞ്ച് സംസ്ഥാനങ്ങളിലാണ്. അരലക്ഷത്തിന് മുകളില് കേസുകള് റിപ്പോര്ട്ട് ചെയ്യുന്ന കേരളമാണ് രോഗവ്യാപനത്തില് മുമ്പില്. 32.15% രോഗികളും കേരളത്തിലാണ്. തമിഴ്നാട്, മഹാരാഷ്ട്ര, കര്ണാടക, ഗുജറാത്ത് സംസ്ഥാനങ്ങളാണ് പട്ടികയിലുള്ളത്. രാജ്യത്ത് ഇതുവരെ 4,97,975 പേര് ഇതുവരെ കോവിഡ് ബാധിച്ച് മരിച്ചു. 2,81,109 പേരാണ് ഇന്നലെ മാത്രം രോഗമുക്തരായത്. 3,95,11,307 പേര് ഇതുവരെ കോവിഡ് മുക്തരായിട്ടുണ്ട്. 94.91% ആണ് രോഗമുക്തി നിരക്ക്. രാജ്യത്ത് ഇതുവരെ 4,16,30,885 പേര്ക്കാണ് കോവിഡ് സ്ഥിരീകരിച്ചത്.
