കോഴിക്കോട് : സര്ട്ടിഫിക്കറ്റ് നല്കാന് കൈക്കൂലി ആവശ്യപ്പെട്ട പരാതിയില് കാലിക്കറ്റ് സര്വകലാശാല ജീവനക്കാരന് സസ്പെന്ഷന്. പരീക്ഷാഭവന് അസിസ്റ്റന്റ് എം.കെ മന്സൂറിനെതിരേയാണ് നടപടിയെടുത്തത്. ഇയാള്ക്കെതിരെ മറ്റൊരു പരാതിയില് അന്വേഷണം തുടരുകയാണെന്നും രജിസ്ട്രാര് അറിയിച്ചു. മലപ്പുറം സ്വദേശിനി നല്കിയ പരാതിയിലാണ് നടപടി. അപേക്ഷകയില്നിന്ന് ഗൂഗിള്പേ വഴി 5000 രൂപയാണ് കൈപ്പറ്റിയത്. അപേക്ഷ നല്കി മടങ്ങിയ ഇവര്ക്കു ദിവസങ്ങള്ക്കകം സര്വകലാശാലയില്നിന്ന് മെമ്മോ ലഭിച്ചു. മതിയായ ഫീസ് അടച്ചില്ലെന്നായിരുന്നു അറിയിപ്പ്. ഇതോടെ നടത്തിയ അന്വേഷണത്തിലാണ് തട്ടിപ്പ് അറിയുന്നത്.
