തിരുവനന്തപുരം : സംസ്ഥാനത്ത് ഇന്ന് 78 പേര്ക്ക് കോവിഡ് സ്ഥിരീകരിച്ചു. ഇതില് 36 പേര് വിദേശ രാജ്യങ്ങളില് നിന്നും (യു.എ.ഇ. 17, കുവൈറ്റ് 12, സൗദി അറേബ്യ 4, ഒമാന് 2, മാലിദ്വീപ് 1) 31 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര 16, ഡല്ഹി 7, തമിഴ്നാട് 3, കര്ണാടക 2, ആന്ധ്രാപ്രദേശ് 1, ജാര്ഖണ്ഡ് 1, ജമ്മുകാശ്മീര് 1) വന്നതാണ്. 10 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്.
തൃശ്ശൂര്, മലപ്പുറം ജില്ലകളില് 14 പേര്ക്ക് വീതവും, ആലപ്പുഴ ജില്ലയില് 13 പേര്ക്കും, പത്തനംതിട്ട ജില്ലയില് 7 പേര്ക്കും, എറണാകുളം, പാലക്കാട് ജില്ലകളില് 5 പേര്ക്ക് വീതവും, കൊല്ലം, കോഴിക്കോട്, കാസര്ഗോഡ് ജില്ലകളില് 4 പേര്ക്ക് വീതവും, കോട്ടയം, കണ്ണൂര് (ഒരാള് മരണമടഞ്ഞു) ജില്ലകളില് 3 പേര്ക്ക് വീതവും, തിരുവനന്തപുരം, ഇടുക്കി ജില്ലകളില് ഒരാള്ക്ക് വീതവുമാണ് രോഗം സ്ഥിരീകരിച്ചത്.
തൃശൂര് ജില്ലയിലെ 7 പേര്ക്കും മലപ്പുറം ജില്ലയിലെ 3 പേര്ക്കുമാണ് സമ്പര്ക്കത്തിലൂടെ രോഗം ബാധിച്ചത്. കണ്ണൂര് ജില്ലയില് ഇന്നലെ നിര്യാതനായ ഉസ്മാന് കുട്ടിക്ക് (71) കോവിഡ് രോഗബാധ സ്ഥിരീകരിച്ചു. ജൂണ് 9ന് മുംബൈയില് നിന്നും ട്രെയിന് മാര്ഗമാണ് ഇദ്ദേഹം എത്തിയത്. ഹൃദ്രോഗിയായിരുന്ന ഇദ്ദേഹത്തിന് ഗുരുതര ശ്വാസകോശ രോഗവും ഉണ്ടായിരുന്നു. ഇതോടെ സംസ്ഥാനത്ത് കോവിഡ് ബാധിച്ച് മരിച്ചവരുടെ എണ്ണം 19ആയി.
ചികിത്സയിലായിരുന്ന 32 പേരുടെ പരിശോധനാഫലം നെഗറ്റീവ് ആയി. കൊല്ലം ജില്ലയില് നിന്നുള്ള 7 പേരും പാലക്കാട് ജില്ലയില് നിന്നുള്ള 6 പേരും, ഇടുക്കി, എറണാകുളം (ഒരു തിരുവനന്തപുരം സ്വദേശി), തൃശൂര് ജില്ലകളില് നിന്നുള്ള 4 പേരുടെ വീതവും, കോഴിക്കോട്, കണ്ണൂര് (ഒരു കാസര്ഗോഡ് സ്വദേശി) ജില്ലകളില് നിന്നുള്ള 2 പേര് വീതവും, തിരുവനന്തപുരം, കോട്ടയം, കാസറഗോഡ് ജില്ലകളില് നിന്നുള്ള ഓരോരുത്തരുടെയും ആണ് പരിശോധനാഫലം നെഗറ്റീവ് ആയത്. 1303 പേരാണ് രോഗം സ്ഥിരീകരിച്ച് ചികിത്സയിലുള്ളത്. 999 പേര് ഇതുവരെ കോവിഡ് മുക്തരായി.
എയര്പോര്ട്ട് വഴി 63,513 പേരും സീപോര്ട്ട് വഴി 1621 പേരും ചെക്ക് പോസ്റ്റ് വഴി 1,34,120 പേരും റെയില്വേ വഴി 25,525 പേരും ഉള്പ്പെടെ സംസ്ഥാനത്ത് ആകെ 2,24,779 പേരാണ് എത്തിയത്. ഇന്ന് പുതുതായി 9 ഹോട്ട് സ്പോട്ടുകളാണുള്ളത്. കണ്ണൂര് ജില്ലയിലെ വേങ്ങാട്, കടന്നപ്പള്ളിപാണപ്പുഴ, തൃശൂര് ജില്ലയിലെ വാടാനപ്പള്ളി, ഏങ്ങണ്ടിയൂര്, ചാവക്കാട് മുന്സിപ്പാലിറ്റി, തൃശൂര് കോര്പറേഷന്, മലപ്പുറം ജില്ലയിലെ തെന്നല, കോട്ടയം ജില്ലയിലെ കോരുതോട്, തൃക്കൊടിത്താനം എന്നിവയാണ് പുതിയ ഹോട്ട് സ്പോട്ടുകള്.
14 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. കാസര്ഗോഡ് ജില്ലയിലെ പൈവളികെ, പിലിക്കോട്, എറണാകുളം ജില്ലയിലെ കൊച്ചിന് കോര്പ്പറേഷന്, വയനാട് ജില്ലയിലെ മീനങ്ങാടി, തവിഞ്ഞാല്, പനമരം, മുട്ടില്, കൊല്ലം ജില്ലയിലെ നീണ്ടകര, കൊല്ലം കോര്പറേഷന്, കോഴിക്കോട് ജില്ലയിലെ തൂണേരി, പുറമേരി, മാവൂര്, ഒളവണ്ണ എന്നിവയെയാണ് ഹോട്ട് സ്പോട്ടില് നിന്നും ഒഴിവാക്കിയത്. നിലവില് ആകെ 128 ഹോട്ട് സ്പോട്ടുകളാണ് ഉള്ളത്.
