പത്തനംതിട്ട കളക്ടറേറ്റ് : പത്തനംതിട്ട ജില്ലയില് ഇന്ന്(ജൂണ് 12) ഏഴുപേര്ക്ക് കോവിഡ് സ്ഥിരീകരിച്ചു
1) 05.06.2020ന് മഹാരാഷ്ട്രയില് നിന്നും എത്തിയ മെഴുവേലി സ്വദേശിയായ 54 വയസുകാരന്, 2) 21.05..2020ന് കുവൈറ്റില് നിന്നും എത്തിയ തിരുവല്ല സ്വദേശിനിയായ 65 വയസുകാരി, 3) 28.05.2020ന് അബുദാബിയില് നിന്നും എത്തിയ ആനിക്കാട് സ്വദേശിനിയായ 28 വയസുകാരി, 4) 02.06.2020ന് കുവൈറ്റില് നിന്നും എത്തിയ നിരണം സ്വദേശിനിയായ 32 വയസുകാരി, 5) 03.06.2020ന് മഹാരാഷ്ട്രയില് നിന്നും എത്തിയ മല്ലപ്പുഴശ്ശേരി സ്വദേശിയായ 32 വയസുകാരന്, 6) 02.06.2020ന് ഡല്ഹിയില് നിന്നും എത്തിയ റാന്നി-പഴവങ്ങാടി സ്വദേശിയായ 65 വയസുകാരന്, 7) 04.06.2020ന് ഡല്ഹിയില് നിന്നും എത്തിയ മെഴുവേലി സ്വദേശിയായ 4 വയസുകാരന് എന്നിവര്ക്കാണ് ഇന്ന് രോഗം സ്ഥിരീകരിച്ചത്.
ജില്ലയില് ഇതുവരെ ആകെ 128 പേര്ക്ക് രോഗം സ്ഥിരീകരിച്ചിട്ടുണ്ട്. കോവിഡ് മൂലം ജില്ലയില് ഇതുവരെ ഒരാള് മരണമടഞ്ഞിട്ടുണ്ട്. ജില്ലയില് ഇന്ന് ഒരാള് രോഗവിമുക്തനായി. ആകെ രോഗമുക്തരായവരുടെ എണ്ണം 38 ആയി. നിലവില് ജില്ലയില് 89 പേര് രോഗികളായിട്ടുണ്ട്. ഇതില് 85 പേര് ജില്ലയിലും നാലുപേര് ജില്ലയ്ക്ക് പുറത്തും ചികിത്സയിലാണ്.
ജനറല് ആശുപത്രി പത്തനംതിട്ടയില് 41 പേരും ജില്ലാ ആശുപത്രി കോഴഞ്ചേരിയില് അഞ്ചുപേരും ജനറല് ആശുപത്രി അടൂരില് നാലുപേരും കോവിഡ് ഫസ്റ്റ്ലൈന് ട്രീറ്റ്മെന്റ് സെന്റര്(CFLTC) റാന്നി മേനാംതോട്ടം ആശുപത്രിയില് 43 പേരും ഐസലേഷനില് ഉണ്ട്. സ്വകാര്യ ആശുപത്രികളില് 14 പേര് ഐസലേഷനില് ഉണ്ട്. ജില്ലയില് ആകെ 107 പേര് വിവിധ ആശുപത്രികളില് ഐസലേഷനില് ആണ്. ഇന്ന് പുതിയതായി 11 പേരെ ഐസലേഷനില് പ്രവേശിപ്പിച്ചു.
ജില്ലയില് 107 കോണ്ടാക്ടുകള് നിരീക്ഷണത്തില് ഉണ്ട്. മറ്റ് സംസ്ഥാനങ്ങളില് നിന്നും തിരിച്ചെത്തിയ 3305 പേരും വിദേശത്തുനിന്നും തിരിച്ചെത്തിയ 947 പേരും നിലവില് നിരീക്ഷണത്തിലാണ്. വിദേശത്തുനിന്നും ഇന്ന് തിരിച്ചെത്തിയ 147 പേരും മറ്റ് സംസ്ഥാനങ്ങളില് നിന്നും ഇന്ന് എത്തിയ 301 പേരും ഇതില് ഉള്പ്പെടുന്നു. ആകെ 4359 പേര് നിരീക്ഷണത്തിലാണ്. ജില്ലയില് വിദേശത്തുനിന്നും മറ്റ് സംസ്ഥാനങ്ങളില് നിന്നും തിരിച്ചെത്തുന്നവരെ താമസിപ്പിക്കുന്നതിന് 129 കൊറോണ കെയര് സെന്ററുകള് സജ്ജീകരിച്ചിട്ടുണ്ട്. ഇവയില് നിലവില് 934 പേര് താമസിക്കുന്നുണ്ട്.
ജില്ലയില് നിന്ന് ഇന്ന് 189 സാമ്പിളുകള് പരിശോധനയ്ക്ക് അയച്ചിട്ടുണ്ട്. ഇതുവരെ ജില്ലയില് നിന്നും 10465 സാമ്പിളുകള് ആണ് പരിശോധനയ്ക്കായി അയച്ചിട്ടുളളത്. ഇന്ന് 188 സാമ്പിളുകള് നെഗറ്റീവായി റിപ്പോര്ട്ട് ചെയ്തു. ഇന്നുവരെ അയച്ച സാമ്പിളുകളില് 124 എണ്ണം പോസിറ്റീവായും 9617 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 476 സാമ്പിളുകളുടെ ഫലം ലഭിക്കാനുണ്ട്. സാമൂഹവ്യാപനം കണ്ടെത്തുന്നതിന്റെ ഭാഗമായി റാപ്പിഡ് ആന്റിബോഡി ടെസ്റ്റിനായി വിവിധ ആശുപത്രികളില് നിന്നും ഇന്ന് 93 സാമ്പിളുകള് പരിശോധനയ്ക്ക് എടുത്തു.
ജില്ലാ മെഡിക്കല് ഓഫീസറുടെ കണ്ട്രോള് റൂമില് 50 കോളുകളും ജില്ലാ ദുരന്തനിവാരണ വിഭാഗത്തിന്റെ കണ്ട്രോള് റൂമില് 132 കോളുകളും ലഭിച്ചു. ഇന്റഗ്രേറ്റഡ് വോയിസ് റസ്പോണ്സ് സിസ്റ്റത്തില് ഇന്ന് നാലു കോളുകള് ലഭിച്ചു. (ഫോണ് നമ്പര് 9205284484) ഇവ നാലും കണ്ട്രോള് റൂമുമായി ബന്ധപ്പെട്ടതായിരുന്നു.ക്വാറന്റൈനിലുളള ആളുകള്ക്ക് നല്കുന്ന സൈക്കോളജിക്കല് സപ്പോര്ട്ടിന്റെ ഭാഗമായി ഇന്ന് 1100 കോളുകള് നടത്തുകയും 93 പേര്ക്ക് കൗണ്സലിംഗ് നല്കുകയും ചെയ്തു.
നാട്ടിലേക്ക് തിരിച്ചുപോകുന്ന 87 അന്യസംസ്ഥാന തൊഴിലാളികളെ ഇന്ന് സ്ക്രീന് ചെയ്ത് മെഡിക്കല് സര്ട്ടിഫിക്കറ്റ് നല്കി. നാളിതുവരെ 9773 പേര്ക്ക് മെഡിക്കല് സര്ട്ടിഫിക്കറ്റ് നല്കിയിട്ടുണ്ട്.
ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം 4.30 ന് ജില്ലാ കളക്ടറുടെ ചേംബറില് നടന്നു. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ് ജില്ലാ മെഡിക്കല് ഓഫീസറുടെ ചേംബറില് രാവിലേയും ചേര്ന്നു.
