കാബൂള്: അഫ്ഗാന് തലസ്ഥാനമായ കാബൂളിലെ പള്ളിയില് ജുമുഅ നമസ്കാരത്തിനിടെയുണ്ടായ സ്ഫോടനത്തില് ഇമാം ഉള്പ്പെടെ നാല് പേര് കൊല്ലപ്പെട്ടു. നിരവധി പേര്ക്ക് പരിക്കേറ്റു. ഷിര് ഷാ ഇ സൂരി പള്ളിയിലാണ് സ്ഫോടനമുണ്ടായതെന്ന് അഫ്ഗാന് ആഭ്യന്തര മന്ത്രാലയം അറിയിച്ചു. സ്ഫോടനത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല. യുഎസ് അധിനിവേശം തകര്ത്തെറിഞ്ഞ രാജ്യത്ത് അഫ്ഗാന് സര്ക്കാരും താലിബാന് പോരാളികളും തമ്മിലുള്ള സമാധാന ചര്ച്ചകള്ക്ക് യുഎസ് മധ്യസ്ഥ ശ്രമം നടത്തിവരികയാണ്.
