ഡല്ഹി: രാജ്യത്തുടനീളം കോവിഡ് കേസുകള് വര്ധിച്ചു വരുന്ന സാഹചര്യത്തില് സ്വാതന്ത്ര്യ ദിനാഘോഷങ്ങളില് വലിയ ആള്ക്കൂട്ടങ്ങള് ഒഴിവാക്കണമെന്ന് സംസ്ഥാനങ്ങളോട് ആവശ്യപ്പെട്ട് കേന്ദ്രസര്ക്കാര്. കോവിഡ് വൈറസ് ബാധ ഒഴിവാക്കാന് എല്ലാവരും മാസ്ക് ധരിക്കണമെന്നും സാമൂഹിക അകലം പാലിക്കുകയും കൈകള് അണുവിമുക്തമാക്കുകയും ചെയ്യണമെന്നും കേന്ദ്രം ജനങ്ങളോട് അഭ്യര്ത്ഥിച്ചു. മാസ്ക് നിര്ബന്ധമാക്കുന്നത് ഉള്പ്പെടെയുള്ള കോവിഡ് സുരക്ഷാ നടപടികള് പല സംസ്ഥാനങ്ങളും ശക്തിപ്പെടുത്താന് തുടങ്ങി. ഡല്ഹി സര്ക്കാര് ഈ ആഴ്ച മാസ്ക് നിര്ബന്ധമാക്കി. ഉത്തരവ് ലംഘിക്കുന്നവര്ക്ക് 500 രൂപ വീതം പിഴ ചുമത്തുമെന്നും സര്ക്കാര് അറിയിച്ചു.
