തിരുവനന്തപുരം : മുഖ്യമന്ത്രിയുടെ അധ്യക്ഷതയില് ചേരുന്ന പ്രതിവാര കോവിഡ് അവലോകന യോഗം ഇന്ന് നടക്കും. സംസ്ഥാനത്തെ കൊവിഡ് നിയന്ത്രണങ്ങളില് കൂടുതല് ഇളവുകള്നല്കുന്നത് സംബന്ധിച്ച നിര്ണായക തീരുമാനം ഇന്ന് ഉണ്ടാകുമെന്നാണ് കരുതുന്നത്. ഹോട്ടലുകളില് ഭക്ഷണം ഇരുന്ന് കഴിക്കാന് അനുമതി നല്കുന്നതടക്കമുള്ള കാര്യത്തില് ഇന്നത്തെ യോഗത്തില് തീരുമാനമുണ്ടായേക്കുമെന്നാണ് വിവരം. ബാറുകള് തുറക്കുന്നത് സംബന്ധിച്ചും തീരുമാനം ഉണ്ടായേക്കും.
സര്ക്കാര് ഓഫീസുകള് ഈ മാസം 18 മുതല് ശനിയാഴ്ച പ്രവര്ത്തിദിവസമാക്കാന് ഇന്നലെ തീരുമാനിച്ചിരുന്നു. നേരത്തെ കോവിഡ് നിയന്ത്രണങ്ങളുടെ ഭാഗമായി ശനിയാഴ്ച അവധി ദിവസമാക്കിയിരുന്നു. സര്ക്കാര് ജീവനക്കാരുടെ കാര്ഡ് വഴിയുള്ള പഞ്ചിങ്ങും പുനസ്ഥാപിച്ചിട്ടുണ്ട്. കോവിഡ് വ്യാപനം തടയുന്നതിനുള്ള നിയന്ത്രണങ്ങളുടെ ഭാഗമായിട്ടായിരുന്നു പഞ്ചിങ് ഒഴിവാക്കിയത്. തിരുവനന്തപുരം, തൃശൂര്, കോഴിക്കോട് ജില്ലകളിലെ മ്യൂസിയങ്ങള് ഇന്ന് രാവിലെ തുറക്കും. തിരുവനന്തപുരം മ്യൂസിയത്തില് പ്രഭാത-സായാഹ്ന നടത്തത്തിനും അനുമതി.
