തിരുവനന്തപുരം : സംസ്ഥാനത്തെ വിദ്യാഭ്യാസ സ്ഥാപനങ്ങള്ക്ക് വാഹനനികുതി അടയ്ക്കേണ്ട തിയതി നീട്ടി. വാഹനങ്ങളുടെ മൂന്നാം ക്വാര്ട്ടറിലെ നികുതി അടയ്ക്കുന്നതിനുള്ള കാലാവധി ഡിസംബര് 31 വരെ നീട്ടിയതായി ഗതാഗത മന്ത്രി ആന്റണി രാജു വ്യക്തമാക്കി. നവംബറില് സംസ്ഥാനത്തെ സ്കൂളുകള് തുറക്കുന്ന സാഹചര്യത്തില് വിദ്യാഭ്യാസ സ്ഥാപനങ്ങളുടെ അഭ്യര്ത്ഥനയെത്തുടര്ന്നാണ് തീരുമാനമെന്ന് മന്ത്രി ആന്റണി രാജു വ്യക്തമാക്കി.
ഒക്ടോബറില് ആരംഭിക്കുന്ന മൂന്നാം ക്വാര്ട്ടറിലെ വാഹന നികുതി അടയ്ക്കുന്നതിനുള്ള കാലാവധിയാണ് ഇപ്പോള് നീട്ടി നല്കിയത്. കൊവിഡിന്റെ പശ്ചാത്തലത്തില് വിദ്യാഭ്യാസ സ്ഥാപനങ്ങളുടെ വാഹനങ്ങള്ക്ക് സെപ്റ്റംബര് 30 വരെയുള്ള നികുതി പൂര്ണമായും ഒഴിവാക്കിയിരുന്നു.