തിരുവനന്തപുരം : കേരളത്തിലെ കോവിഡ് വ്യാപനം പഠിക്കാനെത്തിയ കേന്ദ്ര സംഘം ഇന്ന് ആരോഗ്യമന്ത്രി കെ.കെ ശൈലജയുമായി കൂടിക്കാഴ്ച നടത്തും. സംസ്ഥാനത്തെ കോവിഡ് രോഗികള് ഉയരാനുളള സാഹചര്യം, പരിശോധന, നിരീക്ഷണം, ചികിത്സ തുടങ്ങിയ കാര്യങ്ങള് യോഗത്തില് ചര്ച്ച ചെയ്യും. കോവിഡ് രോഗികളുടെ എണ്ണം ഉയരാന് കാരണം തെരഞ്ഞെടുപ്പും ക്രിസ്മസ് പുതുവല്സര ആഘോഷങ്ങളുമാണെന്നാണ് സംസ്ഥാനത്തിന്റെ നിലപാട്.
രാവിലെ 11 മണിക്ക് നടക്കുന്ന കൂടിക്കാഴ്ചയില് ആരോഗ്യ സെക്രട്ടറിയും പങ്കെടുക്കും. ഒരു മണിയോടെ കോവിഡ് ചുമതല വഹിക്കുന്ന ഉദ്യോഗസ്ഥരുമായും കോവിഡ് ആശുപത്രി അധികൃതരുമായും അവലോകന യോഗം ചേരും. കേരളത്തിന്റെ ചുമതലയുള്ള കേന്ദ്ര കോവിഡ് നോഡല് ഓഫിസറും ജോയിന്റ് സെക്രട്ടറിയുമായ മിനാജ് ആലം, സെന്റര് ഫോര് ഡിസീസ് കണ്ട്രോള് ഡയറക്ടര് ഡോ.എസ്.കെ.സിങ് എന്നിവരാണ് സംഘത്തിലുള്ളത്.
