23.7 C
Pathanāmthitta
Friday, June 17, 2022 6:18 am

വാക്‌സിന്‍ കൊവിഷീല്‍ഡ് ആണെങ്കില്‍ കൊവാക്‌സിന്റെ ബൂസ്റ്റര്‍ ഡോസ് സ്വീകരിക്കാം ; ഐഎംഎ

ന്യൂഡല്‍ഹി : രാജ്യത്തെ മുന്നണി പോരാളികള്‍ക്ക് ബൂസ്റ്റര്‍ ഷോട്ട് വിതരണം ചെയ്യുമെന്ന നിര്‍ണായക പ്രഖ്യാപനമാണ് ഇന്നലെ പ്രധാനമന്ത്രി നരേന്ദ്രമോദി നടത്തിയത്. ബൂസ്റ്റര്‍ ഡോസ് ആദ്യഘട്ടത്തില്‍ നല്‍കാന്‍ തീരുമാനിച്ചിട്ടുള്ളത് ആരോഗ്യപ്രവര്‍ത്തവര്‍ക്കും 60 വയസിന് മുകളിലുള്ള രോഗികളായവര്‍ക്കുമാണ്. ജനുവരി 10 മുതലാണ് ബൂസ്റ്റര്‍ ഡോസ് വാക്സിന്‍ നല്‍കി തുടങ്ങുകയെന്നും പ്രധാനമന്ത്രി പ്രഖ്യാപിച്ചിരുന്നു. ഇതിന്റെ പശ്ചാത്തലത്തില്‍ ഏത് വാക്‌സിന്റെ ബൂസ്റ്റര്‍ ഡോസാണ് സ്വീകരിക്കുകയെന്ന ചോദ്യവും ഉയര്‍ന്നിരുന്നു. ഇതില്‍ വ്യക്തത വരുത്തുകയാണ് ഇന്ത്യന്‍ മെഡിക്കല്‍ അസോസിയേഷന്റെ മേധാവിയായ ജെ.എ ജയലാല്‍.

മിക്‌സ് ആന്‍ഡ് മാച്ച്‌ പോളിസിയാണ് ഇക്കാര്യത്തില്‍ സ്വീകരിക്കുന്നത്. നേരത്തെ സ്വീകരിച്ച വാക്‌സിന്‍ കൊവിഷീല്‍ഡ് ആണെങ്കില്‍ കൊവാക്‌സിന്റെ ബൂസ്റ്റര്‍ ഡോസ് സ്വീകരിക്കാമെന്നും കൊവാക്‌സിന്റെ ഇരുഡോസുകളാണ് നേരത്തെ സ്വീകരിച്ചതെങ്കില്‍ ബൂസ്റ്റര്‍ ഷോട്ടായി കൊവിഷീല്‍ഡ് എടുക്കാമെന്നും ഐഎംഎ മേധാവി വ്യക്തമാക്കി. വാക്‌സിന്റെ രണ്ട് ഡോസുകള്‍ സ്വീകരിച്ചതിന് ശേഷം മറ്റൊരു വാക്‌സിന്റെ ബൂസ്റ്റര്‍ എടുക്കുന്നത് കൂടുതല്‍ ഫലപ്രാപ്തി നല്‍കുമെന്നാണ് വിലയിരുത്തല്‍. 60 വയസിന് മുകളിലുള്ളവര്‍ക്ക് ഡോക്ടര്‍മാരുടെ കുറിപ്പടിയുടെ അടിസ്ഥാനത്തിലാകും ബൂസ്റ്റര്‍ ഡോസ് നല്‍കുക.

- Advertisment -
- Advertisment -
Advertisment
- Advertisment -

Most Popular