ന്യൂഡല്ഹി : നവംബറില് കോവിഡ് വാക്സിന് വിപണിയല് എത്തിക്കുമെന്ന് സിറം. മൂന്നാംഘട്ട പരീക്ഷണം വിജയിച്ചാല് കോവിഡ് വാക്സിന് ഇന്ത്യയില് നവംബറില് വിപണിയിലെത്തും. വാക്സിന് മനുഷ്യരില് പരീക്ഷിക്കാന് കഴിഞ്ഞ ദിവസം കേന്ദ്രസര്ക്കാരിന്റെ അനുമതി തേടിയെന്ന് സിറം ഇന്സ്റ്റിറ്റ്യൂട്ട് ഓഫ് ഇന്ത്യ ഡയറക്ടര് പുരുഷോത്തമന് സി.നമ്പ്യാര് പറഞ്ഞു.
പരീക്ഷണം കഴിഞ്ഞ് 42 ദിവസത്തിനു ശേഷം ഫലം അറിയാന് സാധിക്കും. ദേശീയ രോഗപ്രതിരോധ പദ്ധതിയില് ഉള്പ്പെടുത്തുകയാണെങ്കില് ജനങ്ങള്ക്ക് വാക്സിന് സൗജന്യമായി നല്കാന് കഴിയും. പൊതുവിപണിയില് വാക്സിന് ആയിരം രൂപയില് താഴെ വില ഈടാക്കാനാണ് ഇന്സ്റ്റിറ്റ്യൂട്ടിന്റെ ശ്രമിക്കുന്നതെന്നും നമ്പ്യാര് പറഞ്ഞു.
ഓക്സ്ഫോഡ് വാക്സിന് രണ്ടുഘട്ടങ്ങള് വിജയകരമായതിനെത്തുടര്ന്ന് മനുഷ്യരിലുള്ള പരീക്ഷണത്തിന്റെ അവസാനഘട്ടം ഇന്ത്യയില് നടത്താനാണ് പുണെയിലെ സിറം ഇന്സ്റ്റിറ്റ്യൂട്ട് ഓഫ് ഇന്ത്യ കേന്ദ്രസര്ക്കാരിനോട് അനുമതി തേടിയത്.
പരീക്ഷണത്തിന്റെ ആദ്യഘട്ടത്തില്ത്തന്നെ ഓക്സ്ഫോഡ് സര്വ്വകലാശാല സിറവുമായി ഉല്പ്പാദനക്കരാര് ഒപ്പിട്ടിരുന്നു. രോഗവ്യാപനം അതിരൂക്ഷമായ പുണെ, മുബൈ നഗരങ്ങളിലാകും മൂന്നാംഘട്ട പരീക്ഷണത്തിന് കേന്ദ്ര സര്ക്കാരിന്റെ ഭാഗത്തു നിന്ന് പൂര്ണ സഹകരണം ലഭിക്കുമോന്നാണ് പ്രതീക്ഷിക്കുന്നത്. പുരുഷോത്തമന് നമ്പ്യാര് പറഞ്ഞു.
