തിരുവനന്തപുരം: ജനിതക വ്യതിയാനം സംഭവിച്ച വെെറസുകളാണ് കേരളത്തില് കാണുന്നതെന്ന് ആരോഗ്യവിദഗ്ധര്. അയല് സംസ്ഥാനങ്ങളില് കൊറോണ ഗുരുതരമായ സാഹചര്യം കേരളത്തിലും വലിയ ആഘാതം സൃഷ്ടിക്കുമെന്നും ആരോഗ്യ വിദഗ്ധര് മുന്നറിയിപ്പു നല്കി.
നേരിയ അശ്രദ്ധ പോലും വലിയ ദുരന്തം വരുത്താവുന്ന ഘട്ടമാണ് ഇപ്പോഴുള്ളത്. പ്രതിരോധ നടപടികള് കര്ശനമായി പാലിക്കണം. പൊതുസ്ഥലങ്ങളില് എല്ലാവരും ഉത്തരവാദിത്വത്തോടെ പെരുമാറണമെന്നും ആരോഗ്യവിദഗ്ധര് വ്യക്തമാക്കി. കൊറോണയുടെ അടുത്ത ഘട്ടം കൂടുതല് രൂക്ഷമായി രാജ്യത്ത് പടരാന് സാധ്യതയുണ്ട്. ഗവേഷണത്തിന്റെ ഭാഗമായി കോഴിക്കോട് മെഡിക്കല് കോളജില്, കേരളത്തില് നിന്നുള്ള 179 വൈറസുകളുടെ ജനിതക ശ്രേണീകരണം നടത്താനും അവയുടെ വംശാവലി സാര്സ് കൊറോണ-2 ന്റെ ഇന്ത്യന് ഉപവിഭാഗമായ എ2എ ആണെന്ന് നിര്ണ്ണയിക്കാന് കഴിഞ്ഞതായും വിദഗ്ധര് വ്യക്തമാക്കി.