ന്യൂയോര്ക്ക് :ലോകത്ത് കൊവിഡ് ബാധിതരുടെ എണ്ണം പതിനൊന്ന് കോടി പതിനാറ് ലക്ഷം കടന്നു. മൂന്നര ലക്ഷത്തിലധികം പുതിയ കേസുകള് റിപ്പോര്ട്ട് ചെയ്തു. 24.71 ലക്ഷം പേരാണ് വൈറസ് ബാധമൂലം മരണമടഞ്ഞത്. രോഗമുക്തി നേടിയവരുടെ എണ്ണം എട്ട് കോടി അറുപത്തിയെട്ട് ലക്ഷം കടന്നു.
യുഎസില് രണ്ട് കോടി എണ്പത്തിയാറ് ലക്ഷം രോഗബാധിതരാണ് ഉള്ളത്. അരലക്ഷത്തിലധികം പുതിയ കേസുകള് റിപ്പോര്ട്ട് ചെയ്തു. മരണസംഖ്യ അഞ്ച് ലക്ഷം പിന്നിട്ടു. ഒരു കോടി എണ്പത്തിയെട്ട് ലക്ഷം പേര് സുഖം പ്രാപിച്ചു.
രോഗികളുടെ എണ്ണത്തില് മൂന്നാം സ്ഥാനത്ത് ബ്രസീലാണ്. രാജ്യത്ത് ഒരു കോടിയിലധികം രോഗബാധിതരും 2.46 ലക്ഷത്തിലധികം മരണങ്ങളും റിപ്പോര്ട്ട് ചെയ്തു. രോഗികളുടെ എണ്ണത്തില് റഷ്യയാണ് തൊട്ടുപിന്നില്. 41 ലക്ഷത്തിലധികം പേര്ക്കാണ് രാജ്യത്ത് വൈറസ് ബാധ സ്ഥിരീകരിച്ചത്. 80,000ത്തിലധികം പേര് മരിച്ചു.
ഇന്ത്യയില് കൊവിഡ് ബാധിതരുടെ എണ്ണം 1.09 കോടി കടന്നു. 13,000ത്തിലധികം പുതിയ കേസുകളാണ് റിപ്പോര്ട്ട് ചെയ്തത്. നിലവില് 1.42 ലക്ഷം പേര് മാത്രമേ ചികിത്സയിലുള്ളു. 1.56 ലക്ഷം പേര് മരിച്ചു. 1.06 കോടി പേര് രോഗമുക്തി നേടി.
