ന്യൂയോര്ക്ക്: വേള്ഡോമീറ്ററിന്റെ കണക്കുപ്രകാരം ലോകത്ത് കൊവിഡ് ബാധിച്ച് ഇതുവരെ മരിച്ചത് 1,011,960 പേരാണ്. അമേരിക്കയില് മാത്രം 210,785 പേരോളം ജീവന് വെടിഞ്ഞു. ഇന്ത്യയിലും കൊവിഡ് മരണം ഒരുലക്ഷത്തിലേക്ക് അടുക്കുന്നു. ലോകത്ത് രോഗ ബാധിതരുടെ എണ്ണം മൂന്ന് കോടി മുപ്പത്തിയെട്ട് ലക്ഷം കടന്നു. ഇതുവരെ 33,832,520 പേര്ക്കാണ് രോഗം സ്ഥിരീകരിച്ചത്. രോഗമുക്തി നേടിയവരുടെ എണ്ണം 25,135,889 ആയി ഉയര്ന്നു.
ഏറ്റവും കൂടുതല് രോഗികളുള്ള അമേരിക്കയില് ഇതുവരെ എഴുപത്തിനാല് ലക്ഷത്തിലധികം പേര്ക്കാണ് കൊവിഡ് സ്ഥിരീകരിച്ചത്. സുഖം പ്രാപിച്ചവരുടെ എണ്ണം നാല്പത്തിയാറ് ലക്ഷം കടന്നു. ഇന്ത്യയില് മരണസംഖ്യ 97,000 കടന്നു.കഴിഞ്ഞദിവസം 776 കൊവിഡ് മരണങ്ങളാണ് റിപ്പോര്ട്ട് ചെയ്തത്. 70,589 പേര്ക്കാണ് കഴിഞ്ഞദിവസം പുതുതായി കൊവിഡ് ബാധിച്ചത്. ആകെ രോഗബാധിതരുടെ എണ്ണം 61 ലക്ഷം പിന്നിട്ടു. രോഗമുക്തരുടെ എണ്ണം 51 ലക്ഷം കടന്നു. ബ്രസീലില് കൊവിഡ് ബാധിതരുടെ എണ്ണം 47 ലക്ഷം പിന്നിട്ടു.ഇതുവരെ 4,780,317 പേര്ക്കാണ് രാജ്യത്ത് വൈറസ്ബാധ സ്ഥിരീകരിച്ചത്.143,010 പേര് മരിച്ചു. 4,135,088 പേര് രോഗമുക്തി നേടി.
