കോന്നി : കോന്നി ഫോറസ്റ്റ് സ്ട്രൈക്കിംഗ് ഫോഴ്സ് ജീവനക്കാർക്ക് കൊവിഡ് സ്ഥിരീകരിച്ചു. സ്ട്രൈക്കിംഗ് ഫോഴ്സിലെ ആറ് ഉദ്യോഗസ്ഥർക്കാണ് കൊവിഡ് പോസിറ്റീവ് സ്ഥിരീകരിച്ചത്. കോന്നി ഡിവിഷണൽ ഫോറസ്റ്റ് ഓഫീസിനോട് ചേർന്നാണ് സ്ട്രൈക്കിംഗ് ഫോഴ്സ് പ്രവർത്തിക്കുന്നതെങ്കിലും ഡി എഫ് ഓഫീസ് ജീവനക്കാരുടെ കൊവിഡ് പരിശോധന ഫലം നെഗറ്റീവ് ആയിരുന്നു. സ്ട്രൈക്കിംഗ് ഫോഴ്സ് ഫീൽഡ് ഉദ്യോഗസ്ഥർക്കാണ് നിലവിൽ രോഗം സ്ഥിരീകരിച്ചത്. ഡിവിഷണൽ ഫോറസ്റ്റ് ഓഫീസിൽ മുപ്പതോളം ഉദ്യോഗസ്ഥരും സ്ട്രൈക്കിംഗ് ഫോഴ്സിൽ പതിനാല് ഉദ്യോഗസ്ഥരുമാണുള്ളത് .
പത്തനംതിട്ട ജില്ലയിൽ ഇന്നലെ 271 പേർക്കാണ് കോവിഡ് 19 സ്ഥിരീകരിച്ചത് . ഇതിൽ 226 പേരിലും സമ്പർക്കത്തിലൂടെ രോഗബാധ സ്ഥിരീകരിച്ചവരാണ്. 31 പേരുടെ സമ്പർക്ക പശ്ചാത്തലവും വ്യക്തമല്ല. വിദേശത്തുനിന്നെത്തിയ 11 പേരിലും ഇതര സംസ്ഥാനങ്ങളിൽ നിന്നെത്തിയ 34 പേരിലും രോഗം സ്ഥിരീകരിച്ചിട്ടുണ്ട്. ചൊവ്വാഴ്ച 204 പേർ കൂടി രോഗമുക്തരായി. ഇതോടെ ജില്ലയിൽ രോഗമുക്തരായവരുടെ എണ്ണം 5726 ആയി