കുടമാളൂർ സ്വദേശി ജോസ് പനച്ചിക്കാട് രചിച്ചു സംഗീത സംവിധായകനും ഗായകനുമായ ബിജു കാഞ്ഞിരപ്പള്ളി ഈണം പകർന്ന അതിജീവനം എന്ന ലോക്ക് ഡൌണ്‍ ഗാനം ശ്രദ്ധേയമാകുന്നു. “കോവിഡിൻ കാലമാണിന്ന്.. ലോകത്തിൻ ശാന്തിക്കായി പ്രാർത്ഥിച്ചിടാം “എന്ന് തുടങ്ങുന്ന ഗാനം പ്രശസ്ത ഗായകരായ കെജി മാർക്കോസ്, മിന്മിനി, സിസിലി, ഫാ.ഷാജി തുമ്പേചിറയിൽ തുടങ്ങി 20 ഗായകർ ചേർന്ന് ആലപിച്ചിരിക്കുന്നു. ഓരോ ഗായകരും വീട്ടിലിരുന്നു കൊണ്ട് തന്നെ പാടി അയച്ചു നൽകിയ ഈ ഗാനം മിക്സ്‌ ചെയ്ത് ഓർക്കസ്ട്ര കൊടുത്തിരിക്കുന്നത് ആൽബി മരങ്ങാട്ടുപള്ളിയാണ്. വളരെയധികം ശ്രദ്ധിക്കപ്പെട്ടു തുടങ്ങിയ ഈ ഗാനം ഈ കോവിഡ് കാലത്ത് ജനങ്ങൾ എത്ര മാത്രം ജാഗരൂകരാവണം എന്ന് ഓർമിപ്പിക്കുന്നു. റിലീസ് ചെയ്ത് മണിക്കൂറുകൾക്കുള്ളിൽ തന്നെ ലൈക്കുകൾ വാരിക്കൂട്ടിയ ഈ ഗാനം സെലെബ്രന്റ്‌സ് ഇന്ത്യയാണ് യൂട്യൂബിൽ പുറത്തിറക്കിയിരിക്കുന്നത്.
https://www.facebook.com/mediapta/videos/2968048029947082/
