തിരുവനന്തപുരം : കോവിഡ് രോഗലക്ഷണമില്ലാത്തവര്ക്കും നേരിയ ലക്ഷണങ്ങളുള്ളവര്ക്കുമുള്ള ഹോം ഐസലേഷന് പത്തു ദിവസമാക്കി കുറച്ചു. കോവിഡ് പോസിറ്റീവായവരെല്ലാം 17 ദിവസം നിരീക്ഷണത്തില് കഴിയണമെന്നായിരുന്നു നേരത്തെയുള്ള മാര്ഗരേഖ. അതേസമയം, ഗുരുതരാവസ്ഥയിലുള്ളവരുടെ നിരീക്ഷണ കാലാവധി 20 ദിവസമാക്കി ഉയര്ത്തിയും സംസ്ഥാനത്ത് കോവിഡ് രോഗികളുടെ ഡിസ്ചാര്ജ് മാര്ഗരേഖയില് സംസ്ഥാന സര്ക്കാര് കാതലായ മാറ്റം വരുത്തി.
മൂന്നാം തരംഗം മുന്നില് കണ്ട് കോവിഡ് പോസിറ്റീവായവരുടെ ചികിത്സാ മാര്ഗരേഖയും പരിഷ്കരിച്ചു. ഗര്ഭിണികളുടെ ഗുരുതരാവസ്ഥയും മരണവും ഒഴിവാക്കാന് പ്രത്യേക നിര്ദേശങ്ങളും ഉള്പ്പെടുത്തി. നേരിയ ലക്ഷണങ്ങള് മാത്രമുള്ളവര്ക്ക് ആന്റിബയോട്ടിക്കോ വിറ്റാമിന് ഗുളികകളോ നല്കേണ്ടതില്ലെന്നും പുതുക്കിയ മാര്ഗരേഖയില് നിര്ദേശിക്കുന്നു.
