റാന്നി: ജനവാസ മേഖലയോടു ചേര്ന്ന ഭാഗത്ത് പ്രധാന റോഡരികില് പശുവിന്റെ ജഢം തള്ളി. മുക്കട – ഇടമണ് – അത്തിക്കയം എംഎല്എ റോഡില്
ഇടമുറി പൊന്നമ്പാറക്ക് സമീപമാണ് സംഭവം. പൊന്നമ്പാറക്ക് സമീപം റബര് ബോര്ഡിന്റെ പരീക്ഷണ തോട്ടത്തിലാണ് ജഢം തള്ളിയത്. വാഹനത്തില് എത്തിച്ച പശുവിന്റെ ജഢം വശം ചേര്ത്ത് തള്ളികളയുകയായിരുന്നു. രാവിലെ നടക്കാന് ഇറങ്ങിയവരാണ് കഴുത്തില് കയര് അടക്കമുള്ള പശുവിനെ ചത്ത നിലയില് കണ്ടത്.
മറ്റ് എവിടെയോ വെച്ച് ചത്ത പശുവിന്റെ ജഢം ആളില്ലാത്ത സ്ഥലം നോക്കി ഉപേക്ഷിക്കുകയായിരുന്നു. റബര് ബോര്ഡ് ജീവനക്കാര് എത്തി ജഢം പിന്നീട് തോട്ടത്തില് തന്നെ മറവു ചെയ്തു. ഇവിടെ വ്യാപകമായി മാലിന്യം തള്ളുന്നതും പതിവാണ്. ഇവിടെ പഞ്ചായത്ത് ഇടപെട്ട് ക്യാമറ സ്ഥാപിക്കാന് നടപടി സ്വീകരിക്കണമെന്ന് നാട്ടുകാര് ആവശ്യപ്പെട്ടു.
