സിപിഎം ബ്രാഞ്ച് സെക്രട്ടറിക്ക് ലഹരി മാഫിയയുടെ ആക്രമണത്തില്‍ പരിക്ക്

കഴക്കൂട്ടം: സിപിഎം ബ്രാഞ്ച് സെക്രട്ടറിക്ക് ലഹരി മാഫിയയുടെ ആക്രമണത്തില്‍ പരിക്ക്. സിപിഎം ശ്രീകാര്യം കാര്യവട്ടം കുറ്റിച്ചല്‍ ബ്രാഞ്ച് സെക്രട്ടറി അനില്‍ കുമാറിനെയാണ് അഞ്ചംഗ ലഹരി മാഫിയ ആക്രമിച്ചത്. വീട്ടിനു മുന്നിലെ മതിലില്‍ ഇരുന്ന് കഞ്ചാവ് ഉപയോഗിക്കുന്നത് ചോദ്യം ചെയ്തപ്പോഴാണ് ആക്രമണം . കല്ല് കൊണ്ട് തലയ്ക്കടിയ്ക്കുകയായിരുന്നു. ഗുരുതരമായ പരിക്കേറ്റ അനില്‍ കുമാറിനെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ശ്രീകാര്യം പോലീസ് കേസെടുത്തു.