കൊല്ലം : അഞ്ചലില് സി.പി.എം – സി.പി.ഐ പ്രവര്ത്തകര് ഏറ്റുമുട്ടി. വ്യാഴാഴ്ച വൈകീട്ട് അഞ്ചരയോടെ തടിക്കാട് വായനശാല മുക്കിലാണ് സംഘട്ടനമുണ്ടായത്. വിദ്യാര്ഥികള് തമ്മിലുണ്ടായ പ്രശ്നങ്ങളില് ഇടപെട്ടാണ് ഇരു വിഭാഗവും ഏറ്റുമുട്ടിയത്. നേരത്തേ സ്കൂള് സമയത്ത് വിദ്യാര്ഥികള് തമ്മില് ചില പ്രശ്നങ്ങളുണ്ടായിരുന്നു. സംഭവത്തില് മൂന്നുപേരെ വിവിധ ആശുപത്രികളില് പ്രവേശിപ്പിച്ചു. സി.പി.എം പ്രവര്ത്തകരായ തടിക്കാട് അഭിമന്സിലില് അനീഷ് (24), ഏറം സ്വദേശി ഷംനാദ് (27), സി.പി.ഐ വിദ്യാര്ഥി നേതാവായ മുഹമ്മദ് തന്സീര് (17) എന്നിവര്ക്കാണ് പരിക്കേറ്റത്. സംഘര്ഷാവസ്ഥ കണക്കിലെടുത്ത് തടിക്കാട്ടില് പോലീസ് ക്യാമ്പ് ചെയ്യുന്നു.
