പത്തനംതിട്ട: സിപിഐ പത്തനംതിട്ട ജില്ലാ സെക്രട്ടറിയായി എ പി ജയനെ ജില്ലാ സമ്മേളനം വീണ്ടും തെരഞ്ഞെടുത്തു. ഇത് മൂന്നാം തവണയാണ് ജില്ലാ സെക്രട്ടറിയാകുന്നത്. സിപിഐ സംസ്ഥാന കൗണ്‍സില്‍ അംഗമാണ്. കിസാന്‍സഭ നാഷണല്‍ കൗണ്‍സില്‍ അംഗവും സംസ്ഥാന സെക്രട്ടറിയുമാണ്. ഗ്രന്ഥശാല സംഘം സംസ്ഥാന വൈസ് പ്രസിഡന്റായും മേലൂട് ക്ഷീരസംഘം പ്രസിഡന്റായും പ്രവര്‍ത്തിക്കുന്നു. ജില്ലാ പഞ്ചായത്ത് വൈസ് പ്രസിഡന്റ്, പിന്നാക്ക ക്ഷേമ ഡയറക്ടര്‍ ബോര്‍ഡ് അംഗം എന്നീ നിലകളിലും പ്രവര്‍ത്തിച്ചു.
ജില്ലാ കൗൺസിലിലേക്ക് 51 പേരെയും കാൻഡിഡേറ്റ് അംഗങ്ങളായി അഞ്ച് പേരെയും തെരഞ്ഞെടുത്തു. ജില്ലയിലെ അർഹതപ്പെട്ടവർക്കെല്ലാം ഉപാധി കൂടാതെ പട്ടയം അനുവദിക്കണമെന്ന് സമ്മേളനം ആവശ്യപ്പെട്ടു. പട്ടയം ലഭിക്കാത്തതിനാൽ ജീവിതം പ്രതിസന്ധിയിലായ ഒട്ടേറെ കുടുംബങ്ങളാണ് ജില്ലയിലുള്ളത്. ഇക്കാര്യത്തിൽ അടിയന്തര നടപടികൾ ഉണ്ടാകണമെന്നും സമ്മേളനം പ്രമേയത്തിലൂടെ ആവശ്യപ്പെട്ടു.
സിപിഐ ജില്ലാ കൗൺസിൽ അംഗങ്ങളായി തിരഞ്ഞെടുക്കപ്പെട്ടവർ – മുണ്ടപ്പള്ളി തോമസ്, എ.പി ജയൻ, അടൂർ സേതു, ഡി.സജി, ടി.മുരുകേഷ്, ഏഴംകുളം നൗഷാദ്, ആർ.ജയൻ, പത്മിനിയമ്മ, ആർ.രാജേന്ദ്രൻപിള്ള, അരുൺ കെ.എസ്.മണ്ണടി, എം.മധു , എസ് . രാധാകൃഷ്ണൻ, ടി.ആർ.ബിജു, സന്തോഷ് പാപ്പച്ചൻ, കുറുമ്പകര രാമകൃഷ്ണൻ, അബ്ദുൾഷുക്കൂർ, വി.കെ.പുരുഷോത്തമൻ പിള്ള, എം.ജെ.ജയ്സിംഗ്, സുഹാസ് എം.ഹനീഫ്, ജിജി ജോർജ്, ശരത്ചന്ദ്രകുമാർ, പി.ടി.രാജപ്പൻ, മാത്യു പീറ്റർ, രതീഷ് കുമാർ, റെജികുമാർ, വിജയമ്മ ഭാസ്കരൻ, ബാബു പാലക്കൽ, പി.ടി.ഷിനു, മനോജ് ചരളേൽ, കെ.സതീശ്, അനീഷ് ചുങ്കപ്പാറ, എം . വി.വിദ്യാധരൻ, ടി.ജെ.ബാബുരാജ്, ലിസി ദിവാൻ, എം.വി പ്രസന്നകുമാര്‍, സന്തോഷ് കെ. ചാണ്ടി, സി.കെ.അശോകൻ, എം.പി.മണിയമ്മ, സത്യാനന്ദപ്പണിക്കർ, മിനി മോഹൻ, മങ്ങാട് സുരേന്ദ്രൻ, പി.ആർ.ഗോപിനാഥന്‍, മലയാലപ്പുഴ ശശി, സുമതി നരേന്ദ്രൻ, ബീന മുഹമ്മദ് റാഫി, എ.ദീപകുമാർ, ജയകുമാർ, ജി.ബൈജു, കെ.മണിക്കുട്ടൻ, രേഖ അനിൽ, കെ.രാജേഷ്. കാൻഡിഡേറ്റ് അംഗങ്ങള്‍: എസ്.അഖിൽ, ബിബിൻ ഏബ്രഹാം, വിജയ വിത്സൺ, ഡെയ്സി വർഗീസ്, ജയിംസ് കുരുവിള.
