കായംകുളം: അതിമാരക മയക്കുമരുന്നായ എംഡിഎംഎയുമായി യുവാവ് പോലീസ് പിടിയില്. ചേരാവള്ളി പേട്ടയില് പുത്തന്വീട്ടില് സോനു തമ്പിയാണ് (25) പിടിയിലായത്. ഇയാളില് നിന്നും 1.6 മില്ലിഗ്രാം എംഡിഎംഎയാണ് കണ്ടെടുത്തത്. ബോട്ട്ജെട്ടി കേന്ദ്രീകരിച്ച് മയക്കുമരുന്ന് കച്ചവടം നടക്കുന്നതിന്റെ അടിസ്ഥാനത്തില് നടത്തിവന്ന നിരീക്ഷണത്തിലാണ് പ്രതി കുടുങ്ങിയത്.
ഡിവൈഎസ്പി അലക്സ് ബേബിയുടെ മേല്നോട്ടത്തില് സി.ഐ മുഹമ്മദ് ഷാഫി, എസ്.ഐമാരായ ശ്രീകുമാര്, ഉദയകുമാര്, പോലീസുകാരായ ദീപക്, വിഷ്ണു, അനീഷ്, ഷാജഹാന്, ഫിറോസ്, ബിനുമോന് എന്നിവര് ഉള്പ്പെട്ട സംഘമാണ് പ്രതിയെ അറസ്റ്റ് ചെയ്തത്.