പത്തനംതിട്ട : കേന്ദ്ര സർക്കാരിന്റെ ജനദ്രോഹ നയങ്ങൾക്കെതിരെയും കേരളത്തോടു കാണിക്കുന്ന അവഗണന അവസ്സാനിപ്പിക്കണെമെന്നും ആവശ്യപ്പെട്ടുകൊണ്ട് സിപിഐ പത്തനംതിട്ട മണ്ഡലം കമ്മറ്റിയുടെ നേതൃത്വത്തിൽ പത്തനംതിട്ട ഹെഡ് പോസ്റ്റാഫീസിന് മുൻപിൽ ജനുവരി 17 ന് പ്രതിഷേധ മാർച്ചും ധർണ്ണയും നടത്തുന്നു. അതിന് മൂന്നോടിയായുള്ള സമര പ്രചരണ വാഹന ജാഥ സിപിഐ പത്തനംതിട്ട മണ്ഡലം സെക്രട്ടറി അബ്ദുൽ ഷുക്കൂർ ക്യാപ്റ്റനായും എം.ജെ ജയസിംഗ് വൈസ് ക്യാപ്റ്റനായും. അഡ്വ.ജയകുമാർ ഡയറക്ടറുമായി ഇലവുംതിട്ടയിൽ നിന്ന് ആരംഭിച്ച് പത്തനംതിട്ടയിൽ സമാപിക്കും. സിപിഐ ജില്ലാ എക്സ്സി കൂട്ടിവ് അംഗം അടൂർ സേതു ജാഥ ഉദ്ഘാടനം ചെയ്യും. ജില്ലാ കമ്മറ്റി അംഗം വി.കെ പുരുഷോത്തമൻപിള്ള ജാഥ സമാപനം ഉദ്ഘാടനം ചെയ്യും. 17 ന് നടക്കുന്ന പോസ്റ്റോഫീസ് മാർച്ചും ധർണ്ണയും സി പി ഐ ജില്ലാ സെക്രട്ടറി എ.പി ജയൻ ഉദ്ഘാടനം ചെയ്യും.
