റാന്നി : സി.പി.ഐ റാന്നി മണ്ഡലം ജനറൽ ബോഡി യോഗവും തെരഞ്ഞെടുപ്പ് റിവ്യൂ റിപ്പോർട്ടിംഗും പഠന ക്ലാസും സംഘടിപ്പിച്ചു. സംസ്ഥാന കൗൺസിലംഗം ഡി.സജി ഉദ്ഘാടനം നിർവഹിച്ചു. കഴിഞ്ഞ തിരഞ്ഞെടുപ്പിലെ പാർട്ടിയുടെ പ്രവർത്തനങ്ങളും രാഷ്ട്രീയ സാഹചര്യങ്ങളും യോഗത്തിൽ വിശദമായി വിലയിരുത്തി. സി.പി.ഐ മണ്ഡലം സെക്രട്ടറി ജോജോ കോവൂർ അധ്യക്ഷത വഹിച്ചു. പാര്ട്ടി അധ്യാപകനും ചിന്തകനുമായ ഡോ.അജിത് ആർ. പിള്ള പഠന ക്ലാസ് നയിച്ചു. സമകാലിക രാഷ്ട്രീയ വെല്ലുവിളികളും പാർട്ടി പ്രവർത്തകർ ഏറ്റെടുക്കേണ്ട കാമ്പയിനുകളും അദ്ദേഹം ക്ലാസിൽ വിശദീകരിച്ചു.
മണ്ഡലത്തിലെ വിവിധ ലോക്കൽ കമ്മിറ്റി അംഗങ്ങളും ബ്രാഞ്ച് സെക്രട്ടറിമാരും യോഗത്തിൽ പങ്കെടുത്തു. ജില്ലാ എക്സിക്യൂട്ടീവ് അംഗം ലിസി ദിവാന്, അസിസ്റ്റന്റ് സെക്രട്ടറി എം.വി പ്രസന്നകുമാര്, ജില്ലാ കൗണ്സിലംഗങ്ങളായ ടി.ജെ ബാബുരാജ്, സന്തോഷ് കെ.ചാണ്ടി, സെക്രട്ടറിയേറ്റംഗങ്ങളായ ടി.പി അനില്കുമാര്, ഡി.ശ്രീകല, മണ്ഡലം കമ്മറ്റി അംഗങ്ങളായ എം.ശ്രീജിത്ത്, ആര്.നന്ദകുമാര്, കെ.കെ വിലാസിനി, സി.സുരേഷ് എന്നിവര് പ്രസംഗിച്ചു.
