കോന്നി: അംഗൻവാടി നിയമനത്തില് കോന്നി ഗ്രാമ പഞ്ചായത്ത് ഭരണസമിതി നടത്തുന്ന അഴിമതിക്കെതിരെ പ്രതിക്ഷേധവുമായി സി.പി.എം. അംഗൻവാടി നിയമനത്തിലെ അഴിമതി അന്വേഷിക്കണമെന്നാവശ്യപ്പെട്ടുകൊണ്ട് സിപിഐ (എം) കോന്നി, കോന്നിതാഴം ലോക്കൽ കമ്മിറ്റികളുടെ നേതൃത്വത്തിൽ കോന്നി പഞ്ചായത്ത് ഓഫീസിലേക്ക് മാർച്ചും ധർണ്ണയും നടത്തി. പ്രതിഷേധ ധര്ണ്ണ ഏരിയ സെക്രട്ടറി ശ്യാംലാൽ ഉദ്ഘാടനം ചെയ്തു.
കോന്നിതാഴം ലോക്കൽ സെക്രട്ടറി കെ കെ വിജയൻ അധ്യക്ഷത വഹിച്ചു. ഏരിയ കമ്മിറ്റി അംഗം എം എസ് ഗോപിനാഥൻ, തുളസീമണിയമ്മ, ജിജോ മോഡി, ആർ ഗോവിന്ദ്, പഞ്ചായത്തംഗങ്ങളായ കെ ജി ഉദയകുമാർ, തുളസി മോഹൻ, ജിഷ ജയകുമാർ, പുഷ്പ ഉത്തമൻ എന്നിവർ സംസാരിച്ചു. ഏരിയ കമ്മിറ്റി അംഗം ടി രാജേഷ് കുമാർ സ്വാഗതവും ലോക്കൽ ആക്ടിങ്ങ് സെക്രട്ടറി കെ എസ് സുരേശൻ നന്ദിയും പറഞ്ഞു.
