കോന്നി : അമിത ഭാരം കയറ്റിയുള്ള വാഹനങ്ങളുടെ യാത്ര അപകടം ക്ഷണിച്ചുവരുത്തുകയാണെന്നും ഇക്കൂട്ടര്ക്കെതിരെ നടപടിയെടുക്കണമെന്നും നാട്ടുകാര് ആവശ്യപ്പെടുന്നു. കോന്നിയിൽ അപകടകരമായ രീതിയിൽ ഭാരം കയറ്റി വാഹനങ്ങൾ പോകുന്നത് പതിവാണ്. കഴിഞ്ഞ ദിവസമാണ് കോന്നി പാലം വഴി ഇത്തരത്തിൽ ഒരുചരക്ക് വാഹനം കടന്നു പോയത്. വാഹനത്തിൽ കയറ്റാവുന്നതിലും കൂടുതൽ ഭാരം കയറ്റിയിരുന്നു.
ഭാരം ഒരു വശത്തേക്ക് ചരിഞ്ഞു നിൽക്കുന്നതും കാണാം. ഇത് കണ്ട മറ്റ് വാഹന യാത്രക്കാർ ഡ്രൈവറുടെ ഇത് ശ്രദ്ധയിൽപ്പെടുത്തിയെങ്കിലും ഇയാൾ ഈ തരത്തിൽ യാത്ര തുടർന്നതായി പറയുന്നു. തടി കയറ്റി വരുന്ന ലോറികൾ അടക്കം കോന്നിയിൽ ഇത്തരത്തിൽ അലക്ഷ്യമായി വാഹനം ഓടിക്കുന്നത് പതിവാണ്. ബന്ധപ്പെട്ടവർ വിഷയത്തിൽ ഗൗരവകരമായി ഇടപെടണമെന്നും നാട്ടുകാര് ആവശ്യപ്പെടുന്നു.
