കോന്നി : മുഖ്യമന്ത്രിക്കും പാർട്ടിക്കെതിരെയും നടത്തി കൊണ്ടിരിക്കുന്ന കള്ള പ്രചരണങ്ങളെ തുറന്നു കാട്ടുന്നതിനായി സിപിഐ എം കോന്നി ഏരിയ കമ്മിറ്റിയുടെ നേതൃത്വത്തിൽ മൂന്ന് ദിവസമായി നടത്തി വന്ന ജാഥ സമാപിച്ചു. യോഗത്തിൽ കോന്നി താഴം ലോക്കൽ കമ്മിറ്റി അംഗം കെ പി ശിവദാസ് അധ്യക്ഷനായി. ലോക്കൽ സെക്രട്ടറി കെ കെ വിജയൻ സ്വാഗതം പറഞ്ഞു. പയ്യനാമൺ, മാവനാൽ, ഐരവൺ, കോന്നി ടൗൺ, എലിയറയ്ക്കൽ, പുളിഞ്ചാണി, രാധ പടി , കല്ലേലി തോട്ടം എന്നിവടങ്ങളിൽ പര്യടനം നടത്തി. ജാഥ അട്ടച്ചാക്കൽ നിന്ന് ആരംഭിച്ചു കൊക്കാത്തോട് കറ്റിക്കുഴി മുണ്ടപ്ലാവ് ജംഗ്ഷനിൽ സമാപിച്ചു.
ജാഥാ ക്യാപ്റ്റൻ പി ജെ അജയകുമാർ, വൈസ് ക്യാപ്റ്റൻ ശ്യാംലാൽ, മാനേജർ മലയാലപ്പുഴ മോഹനൻ, ജാഥാ അംഗങ്ങളായ പിഎസ് ക്യഷ്ണകുമാർ ,എം എസ് ഗോപി നാഥൻ, സംഗേഷ് ജി നായർ, വി മുരളീധരൻ, തുളസീമണിയമ്മ, എം അനീഷ് കുമാർ, ആർ ഗോവിന്ദ് ,ജിജോമോഡി, ഏരിയ കമ്മിറ്റി അംഗം പി ആർ ശിവൻകുട്ടി ,കൊക്കാത്തോട് ലോക്കൽ സെക്രട്ടറി എം ജി മോഹനൻ, പഞ്ചായത്തംഗങ്ങളായ വി കെ രഘു, ജോജു വർഗ്ഗീസ്എന്നിവർ യോഗത്തിൽ സംസാരിച്ചു. സമാപന സമ്മേളനം കെ യു ജനീഷ് കുമാർ എം എൽ എ ഉദ്ഘാടനം ചെയ്തു.
