കോന്നി : യുവ കവിയത്രി സായി ലക്ഷ്മി രചിച്ച “പ്രണയത്തിന്റെ പകർപ്പവകാശം ” എന്ന പുസ്തകത്തിന്റെ പ്രകാശനം കോന്നി റിപ്പബ്ലിക്കൻ വോക്കേഷണൽ ഹയർ സെക്കണ്ടറി സ്കൂൾ ഓഡിറ്റോറിയത്തിൽ അടൂർ പ്രകാശ് എം എം പി ഉദ്ഘാടനം ചെയ്തു. കവിയും ഗാന രചയിതാവുമായ വയലാർ ശരത്ത് ചന്ദ്ര വർമ്മ പുസ്തക പ്രകാശനം നിർവഹിച്ചു. ജില്ലാ പഞ്ചായത്ത് അംഗം റോബിൻ പീറ്റർ അധ്യക്ഷത വഹിച്ചു.
ഗാന രചയിതാവ് കോന്നിയൂർ ബാലചന്ദ്രൻ മുഖ്യ പ്രഭാഷണം നടത്തി. യുവ കവി ജിനു പുസ്തക പരിചയം നടത്തി. പ്രവീൺ പ്ലാവിളയിൽ, കെ പി എസ് റ്റി എ സംസ്ഥാന പ്രസിഡന്റ് സി പ്രദീപ്, എഴുത്ത്കാരായ കുമ്പളത്ത് പത്മകുമാർ, വിനോദ് ഇളകൊള്ളൂർ, ബിനു കെ സാം, അദ്ധ്യാപകൻ ശ്രീകുമാർ ആർ, സായി ലക്ഷ്മി, എസ് സന്തോഷ് കുമാർ എന്നിവർ സംസാരിച്ചു.
